प्रचण्ड गर्मीका कारण युरोपमा पन्ध्र हजारले ज्यान गुमाए

मुख्य समाचार

गृहपृष्ठ
मुख्य समाचार

प्रचण्ड गर्मीका कारण युरोपमा पन्ध्र हजारले ज्यान गुमाए

क्यापिटल नेपाल मंगलबार, कात्तिक २२, २०७९

एजेन्सी। विश्वभर तापक्रम बढ्दै गएपछि यस वर्ष युरोपमा प्रचण्ड गर्मीका कारण १५ हजार जनाको मृत्यु भएको युरोपका लागि विश्व स्वास्थ्य संगठन (डब्ल्युएचओ) का क्षेत्रीय निर्देशकका अनुसार बताएका छन्।

क्षेत्रीय निर्देशक हान्स हेनरी क्लुगेले युरोपको पछिल्लो प्राप्त तथ्यांक उद्दृत गर्दै गर्मीले स्पेनमा चार हजार,पोर्चुगलमा एक हजार, तीन हजार दुई सय जनाभन्दा बढी संयुक्त अधिराज्यमा, झन्डै ४ हजार ५ सय जनाको जर्मनीमा ज्यान गएको बताएका हुन्।

युरोपका धेरै देशमा प्रचण्ड गर्मीका कारण अत्यधिक मृत्युका विवरण आएकाले ज्यान गुमाउनेको संख्या बढ्ने अपेक्षा गरिएको डब्ल्यूएचओ क्षेत्रीय निर्देशकले वक्तव्य निकालेर बताएका छन्। मध्य साउनमा युरोपभर चलेको अतिउष्ण वायुले धेरै जना हताहत भएकाे फ्रान्सको राष्ट्रिय तथ्यांक तथा आर्थिक अध्ययन संस्थानले जनाएको छ।

विश्व मौसम विज्ञान संगठनले पनि विश्वको तापक्रम चरमरूपमा बढिरहको तथा मौसम र जलवायुजन्य घटनामा सयौंको ज्यान गएको बताएको छ। बितेका ५० वर्षमा युरोपमा एक लाख ४८ हजार चरमतापका कारण मृत्युवरण गर्न बाध्य भएका संगठनले जनाएको छ। विश्वव्यापी औसत तापक्रममा १.१ डिग्री सेल्सियस वृद्धि भइरहेको छ।

प्रकाशित मिति: मंगलबार, कात्तिक २२, २०७९ १४:२६