जी २० काे अध्यक्षता भारतलाई हस्तान्तरण, १८ औं सम्मेलन भारतमा हुने

मुख्य समाचार

गृहपृष्ठ
मुख्य समाचार

जी २० काे अध्यक्षता भारतलाई हस्तान्तरण, १८ औं सम्मेलन भारतमा हुने

क्यापिटल नेपाल बुधबार, कात्तिक ३०, २०७९

एजेन्सी। समूह बीसका नामले परिचित विश्वका प्रमुख विकसित एवम् उदीयमान अर्थतन्त्रहरूलाई जोड्ने रणनीतिक बहुपक्षीय मञ्च जी २० को सत्रौं शिखर सम्मेलनले समूहको अध्यक्षता भारतलाई हस्तान्तरण गरेको छ।

समूहका अध्यक्ष एवम् इण्डोनेसियाका राष्ट्रपति जोको विडोडोले बुधबार शिखर बैठक समापन समारोहमा भारतका प्रधानमन्त्री नरेन्द्र मोदीलाई औपचारिकरूपमा समूहको अध्यक्षता हस्तान्तरण गरेका हुन्।

जी २० काे अध्यक्षता सम्हालेकाे भारत र हरेक भारतीय नागरिकका निम्ति गर्वको विषय भएको बताउँदै अठारौं शिखर सम्मेलन भारतका विभिन्न शहरमा आयोजना गरिने तथा समूहलाई परिवर्तनको संवाहक बनाउन उत्प्रेरक भूमिका निर्वाह गर्ने प्रतिबद्धता व्यक्त गरे।

समूहको अध्यक्षता पाएको भारतले त्यसलाई समावेशी, महात्वाकांक्षी, निर्णायक एवम् कार्यउन्मुख बनाउने दृढता उनले व्यक्त गरे। त्यसअघि उनले ‘डिजिटल’ रूपान्तरणबारे मन्तव्य व्यक्त गरेका थिए।

प्रकाशित मिति: बुधबार, कात्तिक ३०, २०७९ २१:३८

प्रतिक्रिया दिनुहोस्