उडान अनुमतिपछि मात्र टिकट बिक्री गर्न वायुसेवा कम्पनीलाई प्राधिकरणको निर्देशन

मुख्य समाचार

गृहपृष्ठ
मुख्य समाचार

उडान अनुमतिपछि मात्र टिकट बिक्री गर्न वायुसेवा कम्पनीलाई प्राधिकरणको निर्देशन

क्यापिटल नेपाल बिहीबार, मंसिर १, २०७९

काठमाडौं। नागरिक उड्डयन प्राधिकरणले अनुमति प्राप्त नगरी चार्टर उडानको नाममा टिकट बिक्री वितरण गराई यात्रुलाई विमानस्थलमा अलपत्र पार्ने कार्य गरेकाप्रति ध्यानाकर्षण भएको जनाएको छ।

बिहीबार विज्ञप्ति जारी गर्दै उडान गर्नु पूर्व प्राधिकरणबाट अनुमति प्राप्त गरे पश्चात् मात्र सम्बन्धित उडानको टिकट बिक्री/वितरण गर्न/गराउन सम्बद्ध वायुसेवा कम्पनीलाई प्राधिकरणले निर्देशन दिएको छ।

प्राधिकरणका प्रवक्ता जगन्नाथ निरौलाले जारी गरेको विज्ञप्तिमा आगामी दिनमा अनुमति बेगर टिकट बिक्री/वितरण गरी विमानस्थलमा यात्रुको बिचल्ली एंव अनावश्यक भिडभाड गराई विमानस्थलको सुरक्षा व्यवस्थामा खलल पार्ने कार्य गरेको पाइएमा सम्बन्धित वायुसेवा कम्पनी/जिएसए/व्यक्तिलाई कानुनबमोजिम कारबाही गरिने पनि प्राधिकरणले चेतावनी दिएको छ।