नेपालमा ४ महिनामा ८ अर्बको सुन आयात

मुख्य समाचार

गृहपृष्ठ
मुख्य समाचार

नेपालमा ४ महिनामा ८ अर्बको सुन आयात

क्यापिटल नेपाल बुधबार, मंसिर १४, २०७९

काठमाडौं । चालू आर्थिक वर्ष २०७९/८० को ४ महिनामा नेपालमा करिब ८ अर्ब रुपैयाँको १ हजार ११६ किलोग्राम सुन आयात भएको छ ।

चालू आर्थिक वर्षको पहिलो चौमासिककाे भन्सार विभागले सार्वजनिक गरेकाे विवरणअनुसार तीन देशबाट ७ अर्ब ९५ करोड १८ लाख ७२ हजार रुपैयाँको सुन आयात भएको छ ।

विभागका अनुसार नेपालमा स्विट्जरल्यान्ड, संयुक्त अरब इमिरेट्स र टर्की गरी ३ देशबाट नेपालमा सुन आयात भएको छ ।

यसमध्ये टर्कीबाट १५० किलोग्राम सुन आयात भएको छ । यसैगरी स्विट्जरल्यान्डबाट १०० किलोग्राम र संयुक्त अरब इमिरेट्सबाट ८६६.५४ किलोग्राम सुन आयात भएको विभागले जनाएको छ ।

सरकारले साउनदेखि कात्तिकसम्म कुल ९४ करोड ९० लाख ६६ हजारको राजस्व संकलन गरेकाे विभागले जनाएको छ । सरकाले अहिले सुन आयातका लागि वाणिज्य बैंकहरूलाई मात्र अनुमति दिएको छ । साेहीअनुसार वाणिज्य बैंकहरूले पालैपालो सुन आयात गर्छन् ।

प्रकाशित मिति: बुधबार, मंसिर १४, २०७९ १६:५१

प्रतिक्रिया दिनुहोस्