मजदुरहरुकाे आन्दाेलन फिर्तापछि सार्वजनिक सवारी चल्न सुरु (तस्वीरहरु)

फोटो फिचर

गृहपृष्ठ
फोटो फिचर

मजदुरहरुकाे आन्दाेलन फिर्तापछि सार्वजनिक सवारी चल्न सुरु (तस्वीरहरु)

क्यापिटल नेपाल मंगलबार, फागुन २, २०७९

काठमाडौं। काठमाडौं उपत्यकामा सार्वजनिक सवारीसाधन चल्न सुरु भएका छन्। सार्वजनिक यातायात मजदुर संगठनले आन्दोलन फिर्ता लिएपछि सवारी चल्न सुरु भएका हुन्।

मजदुरहरुकाे आन्दाेलनका कारण सोमबार बेलुकादेखि सवारी बन्द भएकाे थियाे। हिजाे बालाजु क्षेत्रमा प्रहरी र मजदुरबीच भएको झडपका क्रममा प्रहरीका गाडी आगजनी, लोत्से बहुउदेश्यीय प्रालिमा तोडफोड भएको थियो।

यातायात व्यवसायीहरुले आजदेखि सार्वजनिक सवारी नचलाउने घोषणा गरेका थिए। आज बिहान भौतिक पूर्वाधार तथा यातायातमन्त्री नारायणकाजी श्रेष्ठले वार्ता बोलाएका थिए। वार्ताका क्रममा मन्त्री श्रेष्ठले व्यवसायीका मागहरु पूरा गर्ने प्रतिबद्धता जनाएपछि आन्दोलन फिर्ता लिएका थिए।

आन्दाेलन फिर्ता भएपछि सार्वजनिक सवारी चल्न सुरु भएकाे काठमाडौं उपत्यका ट्राफिक कार्यालयले जनाएकाे छ।