महालक्ष्मी विकास बैंकका तीन शाखा कार्यालयद्वारा सहयोग हस्तान्तरण

बैंकिङ

गृहपृष्ठ
बैंकिङ

महालक्ष्मी विकास बैंकका तीन शाखा कार्यालयद्वारा सहयोग हस्तान्तरण

क्यापिटल नेपाल बिहीबार, चैत २, २०७९

काठमाडौं। महालक्ष्मी विकास बैंकका शाखाहरूले संस्थागत सामाजिक उत्तरदायित्वअन्तर्गत विद्यालय, पार्क र मन्दिरलाई सहयोग गरेका छन्।

जसअनुसार बैंकको दीपायलस्थित पिपल्ला शाखाले सिलगढी नगरपालिका-३ मा अवस्थित दिल्पेश्वर माध्यामिक विद्यालयलाई दुई थान स्टिल पानी ट्याङकी हस्तान्तरण गरेको छ। विद्यार्थीहरुलाई शुद्ध पिउने पानीको व्यवस्थापनमा सहयोग पुर्याउने उद्देश्यले बैैंकले उक्त सहयोग गरेको हो।

त्यसैगरि मैतीदेवी शाखाले काठमाडौं महानगरपालिका-३० मा अवस्थित मैतीदेवी मन्दिर क्षेत्र प्रबन्ध समितिलाई सडक डिभाइडर हस्तान्तरण कार्यक्रम सञ्चालन गरिएको छ। बैंकले मन्दिर वरपरको बाटो अस्तव्यस्त हुने गरी सवारी साधन पार्किङ गर्ने समस्याको व्यवस्थापनका लागि सडक डिभाइडर प्रदान गरेको हो।

यस्तै बैंकको पुतलीसडक शाखाले काठमाडौं महानगरपालिका-२८ मा अवस्थित झिगु इच्छुमती पार्कका लागि ६ थान कुर्सी हस्तान्तरण गरेको छ। इच्छुमती खोला किनारस्थित उक्त पार्कमा दैनिक आवतजावत गर्ने बटुवाहरुलाई विश्राम गर्न सहजता मिलोस भन्ने उद्देश्यले बैंकले झिगु इच्छुमती खललाई उक्त सहयोग प्रदान गरेको हो ।

प्रकाशित मिति: बिहीबार, चैत २, २०७९ १३:२५

प्रतिक्रिया दिनुहोस्