नबिल बैंकले निसान गाडी किन्नेलाई कर्जा दिने

बैंकिङ

गृहपृष्ठ
बैंकिङ

नबिल बैंकले निसान गाडी किन्नेलाई कर्जा दिने

क्यापिटल नेपालमंगलबार, चैत ७, २०७९

काठमाडौं । निसानको आधिकारक विक्रेता पायोनियर मोटो कर्प प्रालिले विक्री गर्दै आएको गाडीमा नबिल बैंकले कर्जा दिने भएको छ । बैंक र पायोनियरबीच भएको सम्झौताअनुसार अब निसानका गाडीमा खरिद गर्ने ग्राहकहरुले नबिल बैंकबाट सहजै कर्जा लिन सक्नेछन्।

दुई संस्थाबीच भएको सम्झौतापत्रमा बैंकको तर्फबाट कर्पोरेट हेड चाँदनी श्रेष्ठ र पायोनियर मोटो कर्प प्रालिको तर्फबाट सहमहाप्रबन्धक ज्ञानेन्द्रबहादुर चन्दले हस्ताक्षर गरेका हुन् ।

उक्त सम्झौतापछि निसानले उत्पादन गरेका गाडीहरुमा खरिद गर्दा छिटो, छरितो र सहजताका साथ प्रतिस्पर्धी ब्याजदरमा सवारी साधन कर्जा उपलब्ध गराउने जारी विज्ञप्तिमा उल्लेख छ।

यो सहयोगले निसानबाट गाडी खरिद गर्न चाहने ग्राहकहरूलाई सुलभ र सहज वित्तीय सेवाहरू प्रदान गर्न लक्ष्य राखेको छ। समझौताको अनुसार, योजना सबै नबिल बैंकका सबै शाखाहरूबाट ग्राहकहरूलाई गाडीको लागि सुलभ ऋण सुविधाहरू सजिलो उपलब्ध हुनेछ।

इभीका लागि बेस रेट +३.५०० प्रतिशतदेखि ५ प्रतिशत हुनेछ भने ७ वर्ष को आवधि हुनेछ। केवल २० प्रतिशतको डाउन पेमेन्टमा, ग्राहकहरू अब निसान इभीको मालिक हुन सक्छन्।

अहिले नबिल बैंकको देशभर रहेका २ सय ४८ शाखाबाट नै कर्जा सुबिधा ग्राहकले लिन सक्नेछन्। ऋणलाई नेपाल राष्ट्र बैंकको सम्बन्धित निर्देशिका र निर्देशनहरूसँग समायोजन गरिएको छ। यो योजना पायोनियर मोटोकोर्पको आधिकारिक ब्रिक्रेता र नबिल बैंकका सबै शाखाबाट नेपाल भरी लागू हुनेछ।

प्रकाशित मिति: मंगलबार, चैत ७, २०७९ १८:०४

प्रतिक्रिया दिनुहोस्