नेवानिले पुरुष यात्रुलाई महिला बनाएर उडाएपछि...

पर्यटन

गृहपृष्ठ
पर्यटन

नेवानिले पुरुष यात्रुलाई महिला बनाएर उडाएपछि...

क्यापिटल नेपालमंगलबार, चैत ७, २०७९

काठमाडौं। नेपाल वायुसेवा निगम (नेवानि) ले एक पुरुष यात्रुलाई महिला बनाएर उडाएको खुलासा भएको छ।

नेवानिले ताप्लेजुङबाट काठमाडौं उडेको जहाजमा एक पुरुष यात्रुलाई महिलाको नाममा उडाएको नियामक निकाय नेपाल नागरिक उड्डयन प्राधिकरणले फेला पारेको हो।

प्राधिकरणले उडान सुरक्षामा खेलाँची गरेको भन्दै नेवानिको उक्ता जहाज उडानमा संलग्न दुई पाइलट, एक एयरहोस्टेस, मार्केटिङ विभागका कर्मचारी र डिस्प्याचरसहित सातजनालाई ‘ग्राउन्डेड’ गरको छ।

प्राधिकरणका प्रवक्ता जगनाथ निरौलाले हिजो सोमबार नेवानिको उक्त उडानमा एक पुरुष यात्रुलाई महिलाका रूपमा गणना गरेको पाइएको जानकारी दिए।

सामान्यतया पुरुषभन्दा महिलाको तौल कम हुने भएकाले कागजमा महिला देखाएको फेला परेपछि उडानमा सहभागी ती कर्मचारीलाई ग्राउन्डेड गरिएको निरौलाले बताए।

त्यसैगरी सोही उडानमा ‘ओभरलोड’ समेत गरेको भेटिएको थियो। नेवानिको दर्ता नम्बर ‘९एन(एबिटी’ ट्विनअटर जहाजमा लोड सिटमा भन्दा ४८ किलो बढी सामान बोकेको पाइएपछि पाइलटसहित सात कर्मचारी ग्राउन्डेड गरिएको प्रवक्ता निरौलाले जानकारी दिए।

जहाजमा पाइलटले बुझाएको कागजभन्दा बढी तौल बोकेको पाइएपछि आवश्यक कारबाहीका लागि नेवानिलाई प्राधिकरणले स्पष्टीकरणसमेत सोधेको छ। प्राधिकरणले यसबारे थप अध्ययन गरी कारबाही प्रक्रिया अगाडि बढाउने जनाएको छ।

प्रकाशित मिति: मंगलबार, चैत ७, २०७९ १८:३०

प्रतिक्रिया दिनुहोस्