ब्याजदर नबढाउन फेडरल रिजर्भलाई अमेरिकी बैंकहरुको आग्रह

बैंकिङ

गृहपृष्ठ
बैंकिङ

ब्याजदर नबढाउन फेडरल रिजर्भलाई अमेरिकी बैंकहरुको आग्रह

क्यापिटल नेपाल बुधबार, चैत ८, २०७९

वासिङ्टन, एएफपी । तीन वटा बैंक बन्दलाई लिएर दुई हप्ताको बजार उथलपुथलपछि अमेरिकी बैंकहरूले बुधबार फेडरल रिजर्भको ब्याज दरको निर्णयमा विशेष ध्यान दिन आग्रह गरेका छन् ।

केन्द्रीय बैंकले उच्च मुद्रास्फितिसँग जुध्नका लागि ब्याजदर बढाउने क्रम जारी राख्ने वा वाणिज्य बैंकिङ क्षेत्रमा थप उथलपुथल हुनबाट रोक्न कडा कदम चालिरहेको जनाएको छ ।

फेडले अर्को दर वृद्धिको लागि तयारी गरिरहेका समय यस हप्ता विश्वका वित्तीय अधिकारीहरूले बढ्दो मुद्रास्फीति रोक्नका लागि अन्य उपायहरू अपनाएपछि सेयर बजार र बैंकिंग सेयरहरूको मूल्य वृद्धि भएको छ ।

सीएमई ग्रुपका अनुसार अधिकांश व्यापारीले फेडले आफ्नो ब्याजदरलाई तुलनात्मक रूपमा २५ आधार अङ्कले बढाएर ४.७५ देखि ५ प्रतिशतको दायरामा ल्याउने अनुमान गरेका छन् ।

यो अमेरिकी केन्द्रीय बैंकले गत फेब्रुअरीमा गरेको अघिल्लो दर वृद्धिको आकारसँग मिल्दोजुल्दो हुनेछ र गत वर्ष मौद्रिक अवस्थालाई कडाइ गर्न सुरु गरेयता नवौं वृद्धि हुनेछ ।

यी प्रयासहरूको बावजुद, मूल्य वृद्धि फेडको दुई प्रतिशतको दीर्घकालीन मुद्रास्फीति लक्ष्यभन्दा धेरै माथि रहेको छ ।

प्रकाशित मिति: बुधबार, चैत ८, २०७९ १८:०९

प्रतिक्रिया दिनुहोस्