हवाई भाडा घट्यो, कुन रूटमा कति?

पर्यटन

गृहपृष्ठ
पर्यटन

हवाई भाडा घट्यो, कुन रूटमा कति?

क्यापिटल नेपाल बुधबार, चैत २२, २०७९

काठमाडाैं। नेपाल आयल निगमले हवाई इन्धनको मूल्य घटाएसँगै एयरलाइन्सको हवाई भाडा घटेको छ। वायुसेवा सञ्चालक संघले यही चैत २२ गतेदेखि लागू हुने गरी हवाई भाडा समायोजन गरेको हो ।

336882044_236501005450687_8250124434086878801_n1680676759.png

निगमले सोमबार हवाई इन्धनको प्रतिलिटर १० रूपैयाँले कटौती गरेको थियो। सोअनुसार काठमाडौंबाट धनगढीको उडानमा सबैभन्दा धेरै ४ सय ४० रूपैयाँ भाडा घटेको छ। यसअघि यो रुटमा यात्रुले हवाई यात्राका लागि मात्र रु सात हजार पाँच सय १० तिर्नुपथ्र्यो भने अब ७ हजार ७० रूपैयाँ भाडा कायम गरिएको छ ।

काठमाडौंबाट हुने पर्वतीय उडान (माउन्टेन फ्लाइट) को भाडा ३ सय ४५ रूपैयाँ घटेर अधिकतम भाडा ५ हजार ४ सय ९० रूपैयाँ कायम भएको छ ।

337615948_138086875893427_803303288852639304_n1680676758.png

काठमाडौं–भद्रपुर रुटमा ३ सय रूपैयाँ, विराटनगरमा २ सय ४० रूपैयाँ, जनकपुरका लागि १ सय ३० रूपैयाँ, पोखराका लागि १ सय ५५ रूपैयाँ, भरतपुरका लागि १ सय १० रूपैयाँ, भैरहवाको २ सय ५रूपैयाँ, नेपालगञ्जका लागि १ सय ८५ रूपैयाँ र सुर्खेतका लागि ३ सय ४५ रूपैयाँ हवाई भाडा घटेको छ ।

337590079_1688443298646165_5001027465573127930_n1680676758.png