महासंघको कोषाध्यक्षमा सहमतिका लागि सोमबार बिहान ९ बजेसम्मकाे समय

उद्योग

गृहपृष्ठ
उद्योग

महासंघको कोषाध्यक्षमा सहमतिका लागि सोमबार बिहान ९ बजेसम्मकाे समय

क्यापिटल नेपालआइतबार, वैशाख ३, २०८०

काठमाडौं। नेपाल उद्योग वाणिज्य महासंघको कोषाध्यक्षमा सहमतिका लागि सोमबार बिहान ९ बजेसम्मका लागि समय तोकिएको छ। आइतबार कोषाध्यक्षका लागि चार जनाले उम्मेदवारी दिएपछि नेतृत्वले सहमतिको प्रयास सुरु गरेका छन्।

कोषाध्यक्षका लागि पूर्वकोषाध्यक्ष निरक केसी, सदस्यहरु प्रबलजंग पाण्डे, गोपाल खनाल र सन्दीप गाडिया अग्रवालले उम्मेदवारी दिएका छन्।

महासंघको पदभार ग्रहणसँगै कोषाध्यक्ष चयन गर्ने तयारी भए पनि अध्यक्ष चन्द्रप्रसाद ढकाल, वरिष्ठ उपाध्यक्ष अञ्जन श्रेष्ठ र उपाध्यक्षहरु सुर कृष्ण वैद्य, ज्योत्सना श्रेष्ठ र हेमराज ढकालले सहमतिका लागि पहल थालेका थिए।

पदभार ग्रहणपछि कार्यसमितिले कोषाध्यक्ष चयनका लागि सहमतिको प्रयास गरे पनि असफल भएको थियो। सहमतिबाटै कोषाध्यक्ष चयन गर्ने नेतृत्वको इच्छाअनुसार निर्वाचन समितिले सोमबार बिहान ९ बजेसम्मका लागि समय दिएको महासंघका एक केन्द्रीय सदस्यले जानकारी दिए। कोषाध्यक्ष निर्वाचित कार्यसमितिबाटै चयन हुनेछन्।

प्रकाशित मिति: आइतबार, वैशाख ३, २०८० १७:५१

प्रतिक्रिया दिनुहोस्