दुई वर्षपछि नेपाल विशुद्ध बिजुली निर्यात गर्ने मुलुक बन्छ : प्रधानमन्त्री दाहाल

पूर्वाधार

गृहपृष्ठ
पूर्वाधार

दुई वर्षपछि नेपाल विशुद्ध बिजुली निर्यात गर्ने मुलुक बन्छ : प्रधानमन्त्री दाहाल

क्यापिटल नेपाल मंगलबार, वैशाख ५, २०८०

काठमाडौं। प्रधानमन्त्री अध्यक्ष पुष्पकमल दाहाल प्रचण्डले सन् २०२५ देखि नेपाल विशुद्ध बिजुली निर्यात गर्ने मुलुक बन्ने बताएका छन्।

मंगलबार उर्जा सम्मेलन, २०२३ मा आयोजित एक कार्यक्रममा प्रधानमन्त्री दाहालले अहिले आयात निर्यात दुवै भइरहेको भएपनि २०२५ देखि निर्यात गर्ने मात्र मुलुक बन्ने बताएका हुन्।

‘अहिले हामीले भारतमा झन्डै ११ अर्बको विद्युत निर्यात गरिसकेको अवस्था छ। त्यस्तै अहिले हामीले चार सय मेगावट विद्युत निकासी गरिसकेका छौं भने आउने वर्ष १२ सय मेगावट विद्युत निकासी गर्ने लक्ष्य राखेका छौं,’ प्रधानमन्त्री दाहालले भने ‘अहिले आयात निर्यात दुवै भएको भएपनि २०२५ देखि हामी विशुद्ध निर्यातकर्ता मात्र हुन्छौं।’

उनले उर्जा नै विकासको आधार भएकाले विद्युतको विकासका लागि निजी क्षेत्रसँग हातेमालो गर्दै अगाडि बढ्न सरकार तयार भएको बताए। निजी क्षेत्रलाई विद्युत लगानी गर्न आउन आग्रह गर्दै प्रधानमन्त्री दाहाले सरकारले गर्नुपर्ने सबै किसिमको सहयोग गर्न तयार रहेको बताए।

त्यस्तै कार्यक्रममा उर्जा मन्त्री शक्तिबहादुर बस्नेतले उर्जाका विकासमा सरकार क्रियाशिल रहेको बताए। चार सय ठूलो पाँच वटा अन्तरदेशीय प्रसारण लाइन बनाउन लागेको बताउँदै मन्त्री बस्नेतले निजी क्षेत्रलाई उर्जामा लगानी गर्न सार्वजनिक आव्हान गरे।

कार्यक्रममा स्वतन्त्र उर्जा उत्पादक संस्था (इप्पान)का अध्यक्ष कृष्णप्रसाद आचार्यले विद्युतको विकास र विस्तारका लागि सरकार र निजी क्षेत्र सहकार्य गर्न आवश्यक भएको बताउँदै सरकारले उपयुक्त वातावरण बनाएको खण्डमा निजी क्षेत्र लगानी गर्न तयार रहेको बताए।

प्रकाशित मिति: मंगलबार, वैशाख ५, २०८० १२:१७

प्रतिक्रिया दिनुहोस्