अख्तियार निजी क्षेत्र निरुत्साहित गर्ने अर्को एक तह बन्नसक्ने : पूर्वप्रधानमन्त्री ओली

उद्योग

गृहपृष्ठ
उद्योग

अख्तियार निजी क्षेत्र निरुत्साहित गर्ने अर्को एक तह बन्नसक्ने : पूर्वप्रधानमन्त्री ओली

क्यापिटल नेपाल सोमबार, वैशाख ११, २०८०

काठमाडाैं। नेकपा एमालेका अध्यक्ष एवं पूर्वप्रधानमन्त्री केपीशर्मा ओलीले अख्तियारले निजी क्षेत्र हेर्ने गरी व्यवस्था भएमा निजी क्षेत्रलाई निरुत्साहित गर्ने बताएका छन्।

नेपाल उद्योग वाणिज्य महासंघका अध्यक्ष चन्द्रप्रसाद ढकाल नेतृत्वको प्रतिनिधिमण्डलसँग शनिबार भएको भेटमा पूर्वप्रधानमन्त्री ओलीले अख्तियारले निजी क्षेत्र हेर्ने गरी व्यवस्था भएमा निजी क्षेत्रको थप एक नियामक थपिने र यसले निजी क्षेत्रलाई निरुत्साहित गर्ने बताएका हुन्।

त्यस्तै उनले उक्त विधेयक राष्ट्रिय सभाबाट पारित हुने बेलासम्म पनि आफूलाई जानकारी नभएको बताए।

राष्ट्रिय सभाबाट प्रतिनिधिसभामा आएको अख्तियार दुरुपयोग अनुसन्धान आयोगसम्बन्धी विधेयकमा निजी क्षेत्रलाई समेत समेटने व्यवस्था भएकोले उक्त व्यवस्था हटाउन अध्यक्ष ढकालले आग्रह गरे।

अर्थतन्त्रमा ८० प्रतिशत भन्दा बढि लगानी र रोजगारी दिइरहेको निजी क्षेत्र उक्त व्यवस्था पारित भएमा हतोत्साही हुने र लगानीको वातावरण बिग्रिनेतर्फ अध्यक्ष ढकालले ध्यानाकर्षण गराए।

प्रकाशित मिति: सोमबार, वैशाख ११, २०८० ११:४८

प्रतिक्रिया दिनुहोस्