ढुंगाले लागेर यार्सा संकलकको मृत्यु, एक जना घाइते

समाज

गृहपृष्ठ
समाज

ढुंगाले लागेर यार्सा संकलकको मृत्यु, एक जना घाइते

क्यापिटल नेपालशुक्रबार, जेठ ५, २०८०

दार्चुला। दार्चुलामा ढुंगाले लागेर व्यास गाउँपालिका-१ कुन्तिमा एक यार्सागुम्बा संकलकको मृत्यु भएको छ। अर्का एक संकलक घाइते भएका छन्।

यार्सागुम्बा संकलनका क्रममा बिहीबार ढुंगाले लागेर व्यास गाउँपालिका-१ छाङरुका ४२ वर्षीय वीरसिंह ऐतवालको ज्यान गएको जिल्ला प्रहरी कार्यालयका सूचना अधिकारी एवं प्रहरी निरीक्षक ज्ञानेन्द्रबहादुर सिंहले जानकारी दिए।

यार्सागुम्बा संकलन गर्नेक्रममा माथिबाट खसेको ढुंगाले उनको टाउकोमा चोट लागेको थियो। ऐतवालको घटनास्थलमै मृत्यु भएको उनले बताए।

सीतापुल प्रहरीचौकीबाट खटिएको प्रहरी टोलीले घाइते पुष्कर ऐतवालको उद्धार गरेको छ। सामान्य चोट लागेका उनको घरमै प्राथमिक उपचार भइरहेको चौकीका इञ्चार्ज प्रहरी सहायक निरीक्षक प्रकाशबहादुर सिंहले जानकारी दिए।

प्रकाशित मिति: शुक्रबार, जेठ ५, २०८० १०:१७

प्रतिक्रिया दिनुहोस्