नेप्से परिसूचक ५१.३१ अंकले बढ्यो, कारोबार रकममा पनि वृद्धि

सेयर

गृहपृष्ठ
सेयर

नेप्से परिसूचक ५१.३१ अंकले बढ्यो, कारोबार रकममा पनि वृद्धि

काठमाडौं। साताको कारोबारको तेस्रो दिन मंगलबार धितोपत्र बजारमा सेयर कारोबार मापक नेप्से परिसूचक ५१.३१ अंकले बढेको छ। नेपाल स्टक एक्सचेञ्जका अनुसार मंगलबार नेप्से परिसूचक ५१.३१ अंकले बढेर १ हजार ९ सय ४२.६३ अंक कायम भएको छ।

मंगलबार नेप्सेमा २ अर्ब २० करोड रुपैयाँबराबरको कारोबार भएको छ। हिजो सोमबार भने १ अर्ब २७ करोड ८७ लाख रुपैयाँबराबरको कारोबार भएको थियो।

मंगलबार कारोबार भएका २ सय १९ कम्पनीको सेयर मूल्य बढेको छ भने २ कम्पनीको घटेको छ। त्यस्तै १ कम्पनीको सेयर मूल्य भने स्थिर रहेको छ।

मंगलबार कालिका लघुवित्त वित्तीय संस्था, खप्तड लघुवित्त वित्तीय संस्था, आत्मनिर्भर लघुवित्त वित्तीय संस्थाको सेयर मूल्य १० प्रतिशतले बढेको छ। त्यस्तै सनराइज फर्स्ट म्युचुअल फन्डको सेयर मूल्य भने दुई प्रतिशतभन्दा बढीले घटेको छ।

प्रकाशित मिति: मंगलबार, जेठ ९, २०८० १६:३५