एनआइसी एसिया बैंकमा भिडियो कलमार्फत थप पाँच सेवा पाइने

बैंकिङ

गृहपृष्ठ
बैंकिङ

एनआइसी एसिया बैंकमा भिडियो कलमार्फत थप पाँच सेवा पाइने

क्यापिटल नेपाल बुधबार, जेठ १०, २०८०

काठमाडौं। एनआइसी एसिया बैंकले आफ्ना ग्राहकका लागि ल्याएको भिडियो केवाइसी सेवाअन्तर्गत अनलाइन भिडियो कल गरी केवाइसी विवरण अद्यावधिक, खाता सुचारु, बचत खाताको स्किम परिवर्तन, हस्ताक्षर अद्यावधिक तथा मोबाइल नम्बर वा इमेल ठेगाना अद्यावधिक गर्न सकिने सुविधा ल्याएको छ।

अनलाइन खाता खोल्ने ग्राहकका लागि भिडियो कलबाटै केवाइसी विवरण अद्यावधिक गर्न सकिने सेवा यसअघि नै सुरुवात गरिसकेको बैंकले अब थप पाँचवटा सेवासमेत यस प्रणालीमा जोडेको हो।

घर वा अफिसबाटै लिन सकिने यी पाँच नवीन सेवा बैंकको वेबसाइटमा रहेको अप्लाइ नाउमा ट्याब गरी भिकेवाइसीबाट उल्लेखित सेवामध्ये ग्राहकले इच्छाएको सेवा छनोट गरी बैंकलाई अनुरोध गर्न सक्नेछन् र ग्राहकले दिएको अनुकूल समयमा बैंकले सम्बन्धित ग्राहकलाई सम्पर्क गरी सेवा दिने व्यवस्था मिलाएको छ।

परिवर्तित समयअनुरूप परिष्कृत सेवा तथा सुविधाहरू ल्याउने क्रमलाई निरन्तरता दिइरहेको बैंकले उल्लेखित सेवा प्रदान गर्न भिडियो कल गर्दा ग्राहकले आफ्नो पहिचान खुल्ने कुनै एक परिचय पत्र (नागरिकता, राहदानी, सवारी चालक अनुमति पत्र वा मतदाता परिचय पत्र) तथा सेतो कागज र कालो वा निलो मसी भएको कलम आफूसँग राखी बैंक कर्मचारीले माग गरे बमोजिमका विवरण तथा कागजात देखाउनुपर्छ।

प्रकाशित मिति: बुधबार, जेठ १०, २०८० ११:०७

प्रतिक्रिया दिनुहोस्