चेम्बर अध्यक्ष मल्लसहितको टोली प्रधानमन्त्रीसँग भारत भ्रमणमा

मुख्य समाचार

गृहपृष्ठ
मुख्य समाचार

चेम्बर अध्यक्ष मल्लसहितको टोली प्रधानमन्त्रीसँग भारत भ्रमणमा

क्यापिटल नेपाल बुधबार, जेठ १७, २०८०

काठमाडौं। चेम्बर अफ कमर्सका अध्यक्ष राजेन्द्र मल्लसहितको पदाधिकारी टोली प्रधानमन्त्री पुष्प कमल दाहाल प्रचण्डसँग भारत भ्रमणमा गएको छ।

निजी क्षेत्रबाट प्रतिनिधत्व गर्दै चेम्बर पदाधिकारी टोली प्रधानमन्त्री दाहालसँग भारत भ्रमणमा गएको हो। भ्रमण टोलीमा अध्यक्ष मल्लसँगै निवर्तमान अध्यक्ष राजेशकाजी श्रेष्ठ, उपाध्यक्षहरू दिपक मल्होत्रा र उर्मिला श्रेष्ठ छन्।

प्रधानमन्त्री दाहालले जेठ १७ गतेदेखि २० सम्म गर्ने ४ दिने औपचारिक भ्रमणका क्रममा भारतीय निजी क्षेत्रसँगसमेत अन्तरक्रिया गर्ने कार्यक्रम तय भएको छ।

यस्तै नेपाल भारतका निजी क्षेत्रका प्रतिनिधी संस्थाहरूले दुई पक्षीय व्यापार, लगानी, भन्सार सहजीकरण लगायतका विषयमा अन्तरक्रिया गर्दैछन। भारतीय व्यवसायीहरूसँग ऊर्जा क्षेत्रमा लगानी, पर्यटन तथा मझौला उद्योग व्यवसायमा लगानीको आग्रह गरिने अध्यक्ष राजेन्द्र मल्लले बताए।

प्रकाशित मिति: बुधबार, जेठ १७, २०८० १७:१६