राष्ट्र बैंकले असारसम्म मर्ज हुने बैंकलाई छुट दिने

बैंकिङ

गृहपृष्ठ
बैंकिङ

राष्ट्र बैंकले असारसम्म मर्ज हुने बैंकलाई छुट दिने

क्यापिटल नेपाल मंगलबार, जेठ २३, २०८०

काटमाडौं। असार मसान्तसम्म गाभिने वाणिज्य बैंकहरूलाई राष्ट्र बैंकले छुट उपलब्ध गराउने भएको छ। २०७९ पुस मसान्तसम्म गाभिन नसकेका बैंकहरू २०८० असार मसान्तभित्र गाभिएर एकीकृत कारोबार गरेमा राष्ट्र बैंकले ६ प्रकारका सुविधा उपलब्ध गराउने भएको हो।

गाभिने बैंकले के–के पाउँछन् सुविधा ?

तोकिएका क्षेत्रमा कर्जा प्रवाह गर्ने अवधि एक वर्ष थप हुने, सञ्चालक समितिका सदस्य र उच्च पदस्थ कर्मचारी पदबाट हटेको कम्तिमा ६ महिना व्यतित नभई यस बैंकबाट इजाजतपत्र प्राप्त अन्य संस्थामा आबद्ध हुन नपाउने विद्यमान प्रावधानमा छुट प्रदान गरिने, एकीकृत कारोबार सञ्चालन गरेको मितिमा कर्जा निक्षेप अनुपातले सीमा नाघेको अवस्थामा सो नियमित गर्न ६ महिनाको समय प्रदान गरिने राष्ट्र बैंकले जनाएको छ।

त्यस्तै गाभ्ने र गाभिने तथा प्राप्तिमा संलग्न संस्थामा साविकमा कायम रहेको भिन्न ब्याजदरका कारण एकीकृत कारोबार गर्दाका बखत ब्याजदर अन्तर यस बैंकले तोकेको सीमाभन्दा बढी भएमा ब्याजदर अन्तरलाई तोकिएको सीमाभित्र ल्याउन एक वर्षको समय प्रदान दिने, प्रतिसंस्था निक्षेप संकलन सीमामा एक वर्षसम्म ५ प्रतिशत बिन्दुले थप गरिने र एकीकृत कारोबार सञ्चालनको क्रममा एक किलोमिटरको दूरीमा सञ्चालनमा रहेका शाखा कार्यालयमध्ये कुनै एक शाखा कायम राखी सोही दूरीभित्रका अन्य शाखा गाभ्न वा बन्द गर्न एक वर्षसम्म राष्ट्र बैंकको स्वीकृति आवश्यक नपर्ने बताइएको छ।

प्रकाशित मिति: मंगलबार, जेठ २३, २०८० १४:३१

प्रतिक्रिया दिनुहोस्