५० बढी निर्माण व्यवसायी प्रहरी नियन्त्रणमा

पूर्वाधार

गृहपृष्ठ
पूर्वाधार

५० बढी निर्माण व्यवसायी प्रहरी नियन्त्रणमा

क्यापिटल नेपालआइतबार, साउन २८, २०८०

काठमाडौं। सिँचाइ विभागमा तालाबन्दी गरेर धर्ना बसेका निर्माण व्यवसायीलाई प्रहरीले नियन्त्रणमा लिएको छ।

आइतबार ललितपुरको जावलाखेलस्थित सिँचाइ विभागमा तालाबन्दी गरेर धर्ना बसेका निर्माण व्यवसायीलाई प्रहरीले नियन्त्रणमा लिएको हो।

प्रहरीले नेपाल निर्माण व्यवसायी महासंघका महासचिव रोशन दाहाल, वरिष्ठ उपाध्यक्ष एडी लामा, उपाध्यक्ष प्रकाश सेट्टी, खिमप्रकाश मल्ल, उपमहासचिव नरहरी थपलिया, सहकोषाध्यक्ष सन्तोष साह गरी करिब ५० निर्माण व्यवसायीलाई नियन्त्रणमा लिएको छ।

सडक विभागमा पनि ताला बन्दी गरेका निर्माण व्यवसायीले बाँकी रकम भुक्तान हुनुपर्ने, सबै आयोजनाहरूको एकमुष्ट म्याद थप हुनुपर्ने, मूल्य समायोजन हुनुपर्ने, निर्माण व्यवसायीमैत्री ऐन/नियम लागू हुनुपर्ने, निर्माण व्यवसायीहरूको माग सम्बोधनका लागि उच्चस्तरीय वार्ता टोली गठन हुनुपर्ने लगायतका माग राखेर निरन्तर आन्दोलन गरिरहेका छन्।

प्रकाशित मिति: आइतबार, साउन २८, २०८० ११:४९

प्रतिक्रिया दिनुहोस्