‘बिमारी अर्थतन्त्र निको पार्न मौद्रिक नीति र वित्त नीतिबीच सहकार्य आवश्यक’

अर्थतन्त्र

गृहपृष्ठ
अर्थतन्त्र

‘बिमारी अर्थतन्त्र निको पार्न मौद्रिक नीति र वित्त नीतिबीच सहकार्य आवश्यक’

क्यापिटल नेपाल आइतबार, असोज २८, २०८०

काठमाडौं। पूर्व अर्थमन्त्री डा. युवराज खतिवडाले बिरामी अर्थतन्त्रलाई निको पार्न मौद्रिक नीति र वित्त नीतिबीच सहकार्य आवश्यक रहेको बताएका छन्। मेधावी बचत तथा ऋण सहकारी संस्थाको वार्षिक साधारण सभालाई सम्बोधन गर्दै खतिवडाले दुई महत्वपूर्ण नीतिबीच तालमेल नहुँदा अर्थतन्त्र समस्यामा पर्दै गएको बताएका हुन्।

केन्द्रीय बैंकले मौद्रिक नीति कसिलो बनाउँदा र वित्त नीतिले गर्नुपर्ने काम कुसलतापूवर्क गर्न नसक्दा अर्थतन्त्र संकटतर्फ धकेलिएको बताए। ‘कुनै समय केन्द्रीय बैंकको नेतृत्व बढी लोकप्रिय बन्न खोज्ने अहिले चाहिने भन्दा बढी कस्न लाग्दा अर्थतन्त्र नराम्ररी प्रभावित भएको छ’ उनले भने, ‘अहिलेको समस्यालाई हल गर्ने हो भने दुई नीतिबीच तालमेल आवश्यक छ।’

यसैगरी संस्थाका ब्यवस्थापक हिरण्य राज उप्रेतीले आव २०७९/८० को संस्थागत प्रतिवेदन पेश गरेका थिए। यसरी आव २०७९/८० मा संस्थाको वासलत १३ करोड ४८ लाख ६२ हजार ९९३ रुपैयाँ भएको र सेयर पुँजी १ करोड ३४ लाख ६१ हजार रुपैयाँ निक्षेप १० करोड ४३ लाख ४९ हजार ७८० रुपैयाँ, कर्जा लगानी ११ करोड ४८ लाख ६ हजार ९९४ रुपैयाँ, जगेडा कोष ४७ लाख १६ हजार ३९१ रुपैयाँ र १५ प्रतिशत लाभांश वितरण गर्ने बताए।

यसरी सहकारीका अध्यक्ष डा. सुभाषकुमार घिमिरेले सहकारी क्षेत्र यति कठिन समयमा पनि १५ प्रतिशत लाभांश दिन सक्नु र यो समयमा पनि असल खालका सेयर सदस्यलाई ऋण दिन सक्नु नै सहकारीको विषेश र सबल पक्ष भएको बताए।

प्रकाशित मिति: आइतबार, असोज २८, २०८० १३:१६

प्रतिक्रिया दिनुहोस्