विदेशी विनिमय सञ्चिति बढेर १५ खर्ब ९८ अर्ब रुपैयाँ पुग्यो,एक वर्षको वस्तु आयात धान्ने

अर्थतन्त्र

गृहपृष्ठ
अर्थतन्त्र

विदेशी विनिमय सञ्चिति बढेर १५ खर्ब ९८ अर्ब रुपैयाँ पुग्यो,एक वर्षको वस्तु आयात धान्ने

क्यापिटल नेपालमंगलबार, असोज ३०, २०८०

काठमाडौं। नेपालको विदेशी विनिमय सञ्चिती ३.९ प्रतिशत वृद्धि भएको छ। आर्थिक वर्षमा २०८० असार मसान्तमा १५ खर्ब ३९ अर्ब ३६ करोड रुपैयाँ बराबर रहेको कुल विदेशी विनिमय सञ्चिती भदौमा १५ खर्ब ९८ अर्ब ९० करोड रुपैयाँ पुगेको छ।

अमेरिकी डलरमा यस्तो सञ्चिति २०८० असार मसान्तमा ११ अर्ब ७१ करोड रहेकोमा २०८० भदौ मसान्तमा २.६ प्रतिशत वृद्धि भई १२ अर्ब १ करोड पुगेको छ।

कुल विदेशी विनिमय सञ्चितिमध्ये नेपाल राष्ट्र बैंकमा रहेको सञ्चिति २०८० असार मसान्तमा १३ खर्ब ४५ अर्ब ७८ करोड रुपैयाँ रहेकोमा २०८० भदौ मसान्तमा ४.५ प्रतिशत वृद्धि भई १४ खर्ब ६ अर्ब ५२ करोड रुपैयाँ पुगेका छ।

बैंक तथा वित्तीय संस्था (नेपाल राष्ट्र बैंक बाहेक) सँग रहेको विदेशी विनिमय सञ्चिति २०८० असार मसान्तमा १ खर्ब ९३ अर्ब ५९ करोड रुपैयाँ रहेकोमा २०८० भदौमसान्तमा ०.६ प्रतिशत कमी आई १ खर्ब ९२ अर्ब ३८ करोड कायम भएको छ।

२०८० भदौ मसान्तको कुल विदेशी विनिमय सञ्चितिमा भारतीय मुद्राको अंश २१.७ प्रतिशत रहेकोछ। आर्थिक वर्ष २०८०÷८१ को दुई महिनाको आयातलाई आधार मान्दा बैकिङ्ग क्षेत्रसँग रहेको विदेशी विनिमय सञ्चिति

१२.६ महिनाको वस्तु आयात र १०.३ महिनाको वस्तु तथा सेवा आयात धान्न पर्याप्त रहने देखिन्छ।

प्रकाशित मिति: मंगलबार, असोज ३०, २०८० १४:२४

प्रतिक्रिया दिनुहोस्