भारतद्वारा नेपाललाई ९५ हजार टन चामल निर्यात अनुमति

अर्थतन्त्र

गृहपृष्ठ
अर्थतन्त्र

भारतद्वारा नेपाललाई ९५ हजार टन चामल निर्यात अनुमति

क्यापिटल नेपालबुधबार, कात्तिक १, २०८०

काठमाडाैं। भारतले नेपाललाई परिणाम तोकेर चामल निर्यात फुकुवा गरेको छ। भारतको वाणिज्य विभागले बुधबार जारी गरेको सूचनामा ९५ हजार टन चामल निर्यात अनुमति दिइएको उल्लेख छ। भारतको राष्ट्रिय सहकारी निर्यात लिमिटेडको माध्यमबाट यस्तो निर्यात हुनेछ।

भारतले गत साउनको पहिलो साता बासमतीबाहेक चामल निर्यात रोक लगाउने घोषणा गरेको थियो। खाद्यान्नको बढ्दो मूल्य नियन्त्रणको प्रयासस्वरूप चामल निर्यातमा प्रतिबन्धको घोषणा गरेको भारतले जनाएको थियो।

भारतले चामल निर्यात घोषणा गरेसँगै नेपालमा चामलको मूल्य बढ्न पुगेको थियो। नेपालले भारतबाट ठूलो परिमाणमा धानचामल आयात गर्दै आएको छ।

नेपाल सरकारले पत्र लेखेर भारत सरकारसँग चामल निर्यातको फुकुवाका लागि अनुरोध गरेको थियो। नेपालले १ लाख टन चामल आयात अनुमति दिन माग गरेको थियो। भारतले ९५ हजार टन चामल निर्यातका लागि फुकुवा गरिदिएको हो।

भारतले नेपालसहित क्यामरुन, आइभरी कोस्ट, मलेसिया, फिलिपिन्सलगायत देशका लागि कोटा तोकेर चामल निर्यात फुकुवा गरेको जनाएको छ।

प्रकाशित मिति: बुधबार, कात्तिक १, २०८० १४:२४

प्रतिक्रिया दिनुहोस्