कोरोनापछि सुनसान कञ्चनजंघा क्षेत्रमा दसैं तिहारमा बढे पर्यटक

पर्यटन

गृहपृष्ठ
पर्यटन

कोरोनापछि सुनसान कञ्चनजंघा क्षेत्रमा दसैं तिहारमा बढे पर्यटक

क्यापिटल नेपाल आइतबार, मंसिर ३, २०८०

फुङ्लिङ। विश्वको तेस्रो अग्लो हिमाल कञ्चनजंघा क्षेत्रमा दसैं तिरहारको समय बाह्य पर्यटकको सङ्ख्या बढेको छ।

कोरोना सङ्क्रमणका कारण करिब चार वर्षयता सुनसान जस्तै बनेको कञ्चजंघा क्षेत्रमा यस वर्षको दसैं तिहारको समयमा भने पर्यटकको सङ्ख्या बढेको हो। कञ्चनजंघा संरक्षण क्षेत्र व्यवस्थापन परिषद् कार्यालय घुन्सा चेक पोष्टका पर्यटन सहायक टाँसी तेन्जिङका अनुसार दसैं र तिहारको समयमा सय जना विदेशी पर्यटक आएका छन्।

यस क्षेत्रमा असोज महिनादेखि पर्यटकको आगमन सुरु हुने गरेको उनले बताए। असोज, कात्तिक र मङ्सिर २ गते सम्ममा छ सय ५० बाह्य पर्यटक कञ्चनजंघा क्षेत्र अवलोकन गर्न आएको घुन्सा पर्यटन चेकपोष्ट कार्यालयले जनाएको छ। विगतको तुलनामा यसवर्ष आन्तरिक पर्यटक वृद्धि भएको छ।

गत वर्ष असोज, कात्तिक र मङ्सिर महिनाम चार सय ५० बाह्य पर्यटकले यस क्षेत्रको अवलोकन गरेका थिए।

आन्तरिक पर्यटकको भने अहिलेसम्म कुनै निकायले तथ्याङक राख्ने गरेको छैन। पर्यटकको आगमनले कञ्चनजंघा क्षेत्रका पर्यटन व्यवसायी उत्साहित भएको घुन्साका पर्यटन व्यवसायी पेमा शेर्पाले बताए।

स्थानीय समुदाय पर्यटन व्यवसायमा निर्भर हुँदै आएका छन्। वर्षको दुई याममा यस क्षेत्रमा पर्यटक आउने गर्दछन्। अहिले चिसो मौसम सुरु भएसँगै पर्यटकको आवागमनमा कमी हुँदै गएको पर्यटन सहायक शेर्पाकाे भनाइ छ।

प्रकाशित मिति: आइतबार, मंसिर ३, २०८० १५:२७