टिकटक खुलाउन सर्वोच्च अदालतले मानेन

प्रविधि

गृहपृष्ठ
प्रविधि

टिकटक खुलाउन सर्वोच्च अदालतले मानेन

क्यापिटल नेपाल मंगलबार, मंसिर ५, २०८०

काठमाडौं। सर्वोच्च अदालतले टिकटक प्रतिबन्ध लगाउने सरकारको निर्णय कार्यान्वयनमा रोक लगाउन अस्वीकार गरेको छ।

न्यायाधीश विनोद शर्माको एकल इजलासले रिट निवेदकको मागअनुसार सरकारको निर्णय कार्यान्वयनमा रोक लगाउन अन्तरिम आदेश दिन अस्वीकार गरेको हो।

कात्तिक २७ मा मन्त्रिपरिषद् बैठकले नेपालमा टिकटक प्रतिबन्ध लगाउने निर्णय गरेको थियो। सरकारको उक्त निर्णयले अभिव्यक्ति स्वतन्त्रता हनन् गरेको भन्दै सरोकारवाला र कानुन व्यवसायीले गरी सर्वोच्च अदालतमा १० भन्दा बढी रिट परेको थियो।

न्यायाधीश शर्माको इजलासले टिकटक प्रतिबन्धको निर्णय गर्नुको कारणबारे सरकारसँग लिखित जवाफ माग गरेको छ। मुद्दालाई मंसिर १९ गते पूर्ण सुनुवाइका लागि पेश गर्न पनि सर्वोच्चले आदेश दिएको छ।

प्रकाशित मिति: मंगलबार, मंसिर ५, २०८० १८:०५