५ खर्ब बढीकाे वस्तु आयात, व्यापार घाटा साढे ४ खर्बमाथि

अर्थतन्त्र

गृहपृष्ठ
अर्थतन्त्र

५ खर्ब बढीकाे वस्तु आयात, व्यापार घाटा साढे ४ खर्बमाथि

क्यापिटल नेपाल बिहीबार, मंसिर ७, २०८०

काठमाडौं। चालू आर्थिक वर्ष २०८०/८१ को चार महिनामा ५ खर्ब रुपैयाँभन्दा बढीको वस्तु आयात भएको छ।

भन्सार विभागले सार्वजनिक गरेको तथ्यांकअनुसार चालू आर्थिक वर्ष असोजसम्म कुल ५ खर्ब १२ अर्ब ५० करोड रुपैयाँबराबरको वस्तु नेपाल भित्रिएको हो।

गत आर्थिक वर्ष २०७९/८० को सोही अवधिमा भने कुल ५ खर्ब ३२ अर्ब ६९ करोडबराबरको वस्तु आयात भएको थियो। यसरी हेर्दा गत वर्षको तुलनामा यस वर्ष साउन, भदौ, असोज र कात्तिकसम्मको आयात ३.७९ प्रतिशतले घटेको छ। यस्तै गत वर्षको तुलनामा नेपालबाट भएको निर्यातमा पनि कमी आएको छ।

गत आर्थिक वर्ष असोजसम्ममा नेपालबाट कुल ५४ अर्ब ७७ करोड रुपैयाँबराबरको वस्तु निर्यात भएको थियो। तर, चालू आर्थिक वर्ष असोजसम्ममा भने कुल ५० अर्ब ५६ करोड रुपैयाँबराबरको मात्रै वस्तु निर्यात भएको छ। यो गत वर्षको तुलनामा ७.६८ प्रतिशतले कम हो।

विभागको तथ्यांकअनुसार असोजसम्म नेपालको कुल व्यापार घाटा ४ खर्ब ६१ अर्ब ९३ करोड रुपैयाँबराबर छ। गत वर्षको सोही अवधिमा भने नेपालको कुल व्यापार घाटा ४ खर्ब ७७ अर्ब ९१ करोडबराबर थियो। गत वर्षको तुलनामा यस वर्ष व्यापार घाटा ३.३४ प्रतिशतले घटेको छ।

यस्तै गत वर्षको तुलनामा नेपालको कुल वैदेशिक व्यापारमा ४.१५ प्रतिशतको गिरावट आएको छ। तथ्यांकअनुसार यस वर्ष चार महिनासम्म नेपालको कुल वैदेशिक व्यापार ५ खर्ब ६३ अर्ब ६ करोड रुपैयाँको छ। गत वर्षको सोही अवधिमा भने यस्तो वैदेशिक व्यापार ५ खर्ब ८७ अर्ब ४६ करोड रुपैयाँबराबर थियो।

प्रकाशित मिति: बिहीबार, मंसिर ७, २०८० १६:०५

प्रतिक्रिया दिनुहोस्