सेयर बजार २.१७ अंकले घट्यो, कारोबार रकममा पनि गिरावट

सेयर

गृहपृष्ठ
सेयर

सेयर बजार २.१७ अंकले घट्यो, कारोबार रकममा पनि गिरावट

क्यापिटल नेपाल मंगलबार, मंसिर १२, २०८०

काठमाडौं। मंगलबार सेयर बजार सूचक नेपाल स्टक एक्सचेञ्ज (नेप्से) २.१७ अंक घटेको छ।

अघिल्लो दिन सोमबार पनि दोहोरो अंकले घटेको सेयर बजार आज मंगलबार पनि २.१७ अंकले घटेर १ हजार ८ सय ९४.५३ अंकमा सिमित भएको छ। सोमबार नेप्से ११.२७ अंकले घटेर १ हजार ८ सय ९६.६७ अंक कायम भएको थियो।

आज कुल १ अर्ब २८ करोड रुपैयाँ बराबरको कारोबार भएको छ। सोमबार भने कुल १ अर्ब ७५ करोड ४७ लाख रुपैयाँ बराबरको कारोबार भएको थियो।

आज कारोबार भएका मध्य १ सय २ कम्पनीको सेयरमूल्य बढेको छ भने १ सय २६ कम्पनीको सेयर मूल्य घटेको छ। यस्तै ११ कम्पनीको सेयर मूल्य भने स्थिर छ।

मंगलबार बुद्धभूमी नेपाल हाइड्रो पावरको सेयर मूल्य ९.९७ प्रतिशत वृद्धि भएको छ। यस्तै नारायणी डेभलपमेन्ट बैंकका लगानीकर्ताले सर्वाधिक गुमाएका छन्। यसको सेयरमूल्यमा ५.३३ प्रतिशत गिरावट आएको छ।

प्रकाशित मिति: मंगलबार, मंसिर १२, २०८० १५:१९

प्रतिक्रिया दिनुहोस्