घर कर्जाको सीमा वृद्धि, सेयर, रियल इस्टेट र हायर पर्चेज कर्जाको जोखिम भार घट्यो

बैंकिङ

गृहपृष्ठ
बैंकिङ

घर कर्जाको सीमा वृद्धि, सेयर, रियल इस्टेट र हायर पर्चेज कर्जाको जोखिम भार घट्यो

क्यापिटल नेपाल शुक्रबार, मंसिर २२, २०८०

काठमाडौं। केन्द्रीय बैंकले घर कर्जाको सीमा वृद्धि गर्नुका साथै सेयर, रियल इस्टेट र हायर पर्चेच कर्जाको जोखिमभार घटाएको छ।

आन्तरिक आर्थिक अवस्थालाई दृष्टिगत गरी चालु पुँजी कर्जासम्बन्धी मार्गदर्शनलाई लचिलो बनाई कार्यान्वयनमा ल्याईएको छ।

त्यसैगरी, पहिलो आवासीय घर कर्जाको सीमा वृद्धि गर्नुको साथै सेयर धितो कर्जा, रियल इस्टेट कर्जा तथा हायर पर्चेज कर्जाका विद्यमान जोखिम भारसम्बन्धी व्यवस्थालाई खुकुलो बनाइएको हो।

सेयर धितो कर्जाका विद्यमान सीमाहरुलाई पनि वृद्धि गरिएको छ । उपर्युक्त नीतिगत व्यवस्थापश्चात् कर्जा प्रवाहमा वृद्धि हुन ।

केन्द्रीय बैंकले चालु आर्थिक वर्षको मौद्रिक नीतिमा पहिलो त्रैमासीक समीक्षा गर्दै उल्लेखित सेयर धितो कर्जाको जोखिम भार १२० प्रतिशत बनाएको हो। यस अघि ५० लाखसम्मकाे सेयर धिताे कर्जाकाे जाेखिम भार १२५ प्रतिशत बनाइएकाे थियाे। माैद्रिक नीति समीक्षामार्फत ५० लाख रुपैयाँभन्दा बढीको सेयर धितो कर्जाको जोखिम भार घटाएर १२० प्रतिशत कायम गरेको छ।

आवास कर्जामा ऋणीको मासिक किस्ता भुक्तानी अनुपात बढाएको हो। यस अघिसम्म यस्तो किस्ता भुक्तानी अनुपात ६० प्रतिशत थियो। राष्ट बैंकले मासिक आम्दानीको ५० प्रतिशतमात्रै किस्ता भुक्तानी गर्न पाउने गरी आवास कर्जा लिन पाउने व्यवस्थालाई आम्दानीको ६० प्रतिशतसम्म किस्ता भुक्तानी लिन पाउँने व्यवस्था गरेको हो।

प्रकाशित मिति: शुक्रबार, मंसिर २२, २०८० ११:११

प्रतिक्रिया दिनुहोस्