सातै प्रदेशमा ग्लोबल आइएमई बैंकको रक्तदान

बैंकिङ

गृहपृष्ठ
बैंकिङ

सातै प्रदेशमा ग्लोबल आइएमई बैंकको रक्तदान

क्यापिटल नेपाल मंगलबार, पुस १७, २०८०

काठमाडौं। ग्लोबल आइएमई बैंकले १७औं वार्षिकोत्सव अवसरमा देशव्यापी बृहत् रक्तदान कार्यक्रम आयोजना गरेको छ। बैंकले पुस १७ देखिदेखि स्थापनाको १८औं वर्ष प्रवेश अवसरमा सातै प्रदेशमा रक्तदान कार्यक्रम आयोजना गरेको हो।

मंगलबार सातवटै प्रदेशमा एकैसाथ रक्तदान कार्यक्रमका साथै निःशुल्क आँखा जाँच, रक्तचाप तथा मधुमेह परीक्षण आयोजना गरिएको बैंकले जनाएको छ।

कार्यक्रमअन्तर्गत कोसी प्रदेशमा सुनसरीको इटहरी शाखा, मधेस प्रदेशमा सिरहाको गोलबजार शाखा, बागमती प्रदेशमा काठमाडौंको कान्तिपथ शाखा तथा चितवन नारायणगढ शाखा, गण्डकी प्रदेशमा कास्कीको पोखरा न्यूरोड शाखा, लुम्बिनी प्रदेशमा रुपन्देहीको बुटवल मिलनचोक शाखा तथा दाङको नेपालगञ्ज शाखा, कर्णाली प्रदेशमा सुर्खेतको वीरेन्द्रनगर सुर्खेत शाखा र सुदूरपश्चिम प्रदेशमा कैलालीको धनगढी शाखामा रक्तदान आयोजना गरिएको हो।

देशभर आयोेजित कार्यक्रममा ९२७ रक्तदाताबाट ४३९ लिटर रगत दान गरिएको बैंकले बताएको छ। निःशुल्क रुपमा ७८३ जनाको आँखा जाँच गरिनुका साथै १०४८ जनाको रक्तचाप तथा मधुमेह परीक्षण एवं परामर्श सेवा उपलब्ध गराइएको थियो। बैंकले संस्थागत सामाजिक उत्तरदायित्वअन्तर्गत रक्तदान कार्यक्रम आयोजना गरेको हो।

प्रकाशित मिति: मंगलबार, पुस १७, २०८० १७:४४

प्रतिक्रिया दिनुहोस्