नारायणी किनारमा चलाइँदै ‘टी टेस्टिङ’ प्रदर्शनी

उद्योग

गृहपृष्ठ
उद्योग

नारायणी किनारमा चलाइँदै ‘टी टेस्टिङ’ प्रदर्शनी

क्यापिटल नेपाल शनिबार, माघ २०, २०८०

चितवन। नारायणी नदी किनारमा दुईदिने नेपाली चियाको बृहत् प्रदर्शनी तथा टी टेस्टिङ गरिने भएको छ। राष्ट्रिय चिया तथा कफी विकास बोर्डको आयोजना र चिया क्षेत्रमा क्रियाशील विभिन्न संघ–संस्थाको सहकार्यमा माघ २६ र २७ मा प्रदर्शनी आयोजना गरिन लागेको हो।

‘स्वदेशमा उत्पादित चिया सेवन गरौं, स्वस्थ, समृद्ध र आत्मनिर्भर बनौं’ नारासहित नेपालमा उत्पादित चियाको देशभित्रै खपत बढाउन, चियाका फाइदाको विषयमा जानकारी दिन तथा सही चियाको सही रूपमा सेवन गर्न र चिया संस्कृतिको विकास गर्न प्रदर्शन आयोजना गर्न लागिएको बोर्डका कृषि विकास अधिकृत चन्द्र पुरीले जानकारी दिए।

यसअघि बुटवलमा प्रदर्शनी आयोजना गरिएको थियो। प्रदर्शनी चितवनमा पहिलोपटक गर्न लागिएको बोर्डका कार्यकारी निर्देशक डा. विष्णुप्रसाद भट्टराईले जानकारी दिए।

नेपालको चिया उत्पादन तथा बजारीकरण गर्न यसबाट मद्दत पुग्ने विश्वास गरिएको छ। प्रदर्शनीको कृषि तथा पशुपक्षी विकासमन्त्री डा. वेदुराम भुसालले उद्घाटन गर्ने कार्यक्रम छ। उद्योग, वाणिज्य संघ र होटल व्यवसायी संघ सह–आयोजक रहेको प्रदर्शनीको प्रवर्द्धक भरतपुर महानगर रहेको छ।–रासस

प्रकाशित मिति: शनिबार, माघ २०, २०८० १२:०६

प्रतिक्रिया दिनुहोस्