सूर्यकुण्ड हाइड्रो इलेक्ट्रिकले आइपिओ निष्कासन गर्ने, बिक्री प्रबन्धक नेपाल एसबिआई मर्चेन्ट

सेयर

गृहपृष्ठ
सेयर

सूर्यकुण्ड हाइड्रो इलेक्ट्रिकले आइपिओ निष्कासन गर्ने, बिक्री प्रबन्धक नेपाल एसबिआई मर्चेन्ट

क्यापिटल नेपाल बुधबार, फागुन २, २०८०

काठमाडौं। अपि पावर कम्पनीको मुख्य लगानी रहेको सूर्यकुण्ड हाइड्रो इलेक्ट्रिकले सर्वसाधारणमा सेयर (आइपिओ) निष्कासन गर्ने भएको छ। कम्पनीले आइपिओ निष्कासनका लागि नेपाल एसबिआई मर्चेन्ट बैंकिङलाई बिक्री प्रबन्धक नियुक्त गरेको छ।

कम्पनीका अध्यक्ष सतिश न्यौपाने र मर्चेन्ट बैंकिङका प्रबन्ध सञ्चालक तथा प्रमुख कार्यकारी अधिकृत लेखनाथ पोख्रेलले सम्झौतापत्रमा हस्ताक्षर गरे। कम्पनीले १०० अंकित दरका २० लाख कित्ता आइपिओ निष्कासन गरिने बताएको छ।

कम्पनीले नुवाकोटको दुप्चेश्वर गाउँपालिका–१ स्थित अप्पर तादी खोला हाइड्रोपावर प्रोजेक्टमा ११ मेगावाट क्षमताको विद्युत् आयोजना निर्माण गरिरहेको छ। आयोजना निर्माण करिब ५० प्रतिशत सम्पन्न भइसकेको कम्पनीले बताएको छ।

आयोजनाको कुल लागत २२० करोड रहनेछ भने थप ऋण १३५ करोड नेपाल एसबिआई बैंकको एकल लगानीबाट सम्पन्न भएको हो।
फ्रल्वेल इनर्जे भारतको अत्याधुनिक इलेक्ट्रोमेकानिक सामग्री जडान गरी अबको १० महिनाभित्र आयोजना सञ्चालनमा ल्याइने कम्पनीले जनाएको छ।

आयोजनाबाट उत्पादित बिजुली ३३ केभी डबल सर्किट लाइनबाट ८ किलोमिटर टाढा रहेको समुद्रटार सबस्टेसनमा जडान गरिनेछ।

प्रकाशित मिति: बुधबार, फागुन २, २०८० ११:३१