बुटवलमा किसानले गरे चक्काजाम, कृषिमन्त्री भुसालको राजीनामा माग

कृषि

गृहपृष्ठ
कृषि

बुटवलमा किसानले गरे चक्काजाम, कृषिमन्त्री भुसालको राजीनामा माग

क्यापिटल नेपाल बिहीबार, फागुन १७, २०८०

काठमाडौं। दूध बिक्री गरेको भुक्तानी नपाएको भन्दै किसानले बुटवलमा विरोध प्रदर्शन गरेका छन्। बुटवलमा पूर्वपश्चिम राजमार्गमा चक्काजाम गर्न पुगेका किसानले कृषि तथा पशुपन्छी विकास मन्त्री वेदुराम भुसालको राजीनामा पनि माग गरेका छन्।

किसानहरूको समस्याप्रति सरकार गम्भीर नभएको उनीहरुको भनाइ छ। दुग्ध उत्पादक सहकारी संघको नेतृत्वमा बुटवलस्थित पूर्वपश्चिम राजमार्गमा २ घन्टा चक्काजाम गर्ने कार्यक्रम किसानको थियो। सो क्रममा प्रहरीले हस्तक्षेप गर्दा दुई समूहबीच ठेलमठेल पनि भएको थियो।

'दूधको भुक्तानी दे, किसान मार्न पाइँदैन, कृषि उत्पादनको बजार सुनिश्चित गर, कमिसन खोर मुर्दावाद, कृषि क्षेत्रको बिचौलिया अन्त्य गरलगायत नारा किसानले लगाएका थिए। किसानको समस्याप्रति सरकार उदासीन हुँदा किसानले नोक्सानी व्यहोर्नुपरेको उनीहरूको भनाइ छ। यसअघि गएको मंगलबार किसानले ललितपुर जिल्ला प्रशासन कार्यालय अगाडि दूध पोखेर विरोध प्रदर्शन गरेका थिए।

पछिल्लो समय किसानले दूधको भुक्तानी नपाएको भन्दै मुलुकका विभिन्न ठाउँमा किसानले आन्दोलन गरिरहेका छन्। यसै क्रममा बुटवलमा चक्काजाम गर्न खोजेपछि प्रहरीले हस्तक्षेप गरेको आरोप किसानको छ।

प्रकाशित मिति: बिहीबार, फागुन १७, २०८० १४:३४

प्रतिक्रिया दिनुहोस्