नेप्सेमा १० अंकको वृद्धि, कारोबार रकम २ अर्ब ३५ करोड

सेयर

गृहपृष्ठ
सेयर

नेप्सेमा १० अंकको वृद्धि, कारोबार रकम २ अर्ब ३५ करोड

क्यापिटल नेपाल मंगलबार, चैत १३, २०८०

काठमाडौं। लगातार चार कारोबार दिन घटेपछि सेयर बजारमा दोहोरो अंकको वृद्धि भएको छ। मंगलबार सेयर बजार सूचक नेपाल स्टक एक्सचेञ्ज (नेप्से) १०.१४ अंकले बढेर २०४१.७० को बिन्दुमा पुगेको छ।

अघिल्लो कारोबार दिन सोमबार भने नेप्से १७.०१ अंकले घटेर २०३१.५५ को बिन्दुमा बन्द भएको थियो। यसअघि बिहीबार नेप्से १५.३७ अंकले, बुधबार ३.३४ अंकले र मंगलबार ६.२४ अंकले घटेको थियो।

मंगलबार नेप्से सूचक बढेपनि कारोबार रकममा भने संकुचन आएको छ। आज कुल २ अर्ब ३५ करोड रुपैयाँ बराबरको कारोबार भएको छ। अघिल्लो दिन सोमबार भने २ अर्ब ४८ करोड रुपैयाँ बढीको कारोबार भएको थियो। यस्तै, गत बिहीबार नेप्सेमा कुल ४ अर्ब ३१ करोड रुपैयाँ बढीको कारोबार भएको थियो।

मंगलबार कारोबारमा आएकामध्ये १ सय ६८ कम्पनीको सेयर मूल्य बढ्दा ६८ कम्पनीको घटेको छ। यस्तै, १० कम्पनीको सेयर मूल्य स्थिर छ। मंगलबार डोल्टी पावर कम्पनीको सेयर मूल्यमा सकरात्मक सर्किट लाग्दा सर्वोत्तम सिमेन्टको सेयर मूल्य ९.९९ प्रतिशतले बढेको छ। यस्तै, विन नेपाल लघुवित्त वित्तीय संस्थाको सेयर मूल्य ९.४३ प्रतिशतले बढेको छ।

आज धौलागिरि लघुवित्त वित्तीय संस्थाका लगानीकर्ताले सर्वाधिक गुमाएका छन्। यस कम्पनीको सेयर मूल्य ९.३५ प्रतिशतले घटेको छ। मंगलबार सोमबार म्यानुफ्याक्चरीङ एन्ड प्रोसेसिङ उपसमूहको सेयर मूल्य सर्वाधिक अर्थात् २.११ प्रतिशतले उकालो लाग्दा जलविद्युत् उपसमूहको सेयर मूल्य १.५८ प्रतिशतले बढेको छ।

प्रकाशित मिति: मंगलबार, चैत १३, २०८० १५:५०

प्रतिक्रिया दिनुहोस्