यस वर्ष डेढ खर्बको आइटी सेवा निर्यात हुने सम्भावना : अर्थमन्त्री पुन

अर्थतन्त्र

गृहपृष्ठ
अर्थतन्त्र

यस वर्ष डेढ खर्बको आइटी सेवा निर्यात हुने सम्भावना : अर्थमन्त्री पुन

क्यापिटल नेपाल शुक्रबार, वैशाख २१, २०८१

काठमाडौं। अर्थमन्त्री वर्षमान पुनले यस वर्ष नेपालबाट करिब डेढ खर्ब रुपैयाँ बरारबको सूचना प्रविधि (आइटी) सेवा निर्यात हुने सम्भावना रहेको बताएका छन्।

शुक्रबार विकास आर्थिक मामिला तथा सुशासन समितिमा अर्थमन्त्री पुनले नयाँ सम्भावनाको रुपमा अगाडि आएको यस क्षेत्रबाट यस वर्ष डेढ खर्ब हाराहारीको आइटी सेवा निर्यात हुने बताएका हुन्।

‘गत वर्ष मात्रै करिब ७६ अर्ब हाराहारीको आइटी वस्तु तथा सेवा निर्यात भएको देखिएको छ। यस वर्ष त्यो बढेर करिब डेढ खर्ब रुपैयाँ बराबरको निर्यात हुने अनुमान गर्न सकिन्छ,’ अर्थमन्त्री पुनले भने, ‘नेपालमा मात्रै वार्षिक १० हजार आइटी जनशक्ति उत्पादन हुने भएकाले त्यो समुहलाई यहिँ बस्ने वातावरण बनाउन पनि उतिकै जरुरी छ।’

अर्थमन्त्री पुनले आगामी वर्षको बजेट सोही विषयहरुमा केन्द्रीत हुने बताए। उनले अब आउने बजेटले नयाँ अनुसन्धान र नवउद्यममा जोखिम मोलेर योजना ल्याउने पनि उल्लेख गरे। यसका लागि विभिन्न पक्ष र आइटी क्षेत्रका व्यक्तिसँग छलफल भएको उनको भनाइ छ। विदेशी लगानी पनि आइटी क्षेत्रमा राम्रो रहेकाले त्यस क्षेत्रको विकास गर्न र वातावरण बनाउन सरकार लागेको पुनले बताए।

‘गत वर्षको तुलनामा हालको आर्थिक अवस्था राम्रो भएको छ। यहि हिसाबमा अगाडि बढ्दा चार प्रतिशतको आर्थिक वृद्धि हुने अनुमान गर्न सकिन्छ,’ पुनले भने, ‘जलस्रोतमा पनि १९ प्रतिशतको वृद्धि देखिन्छ। हाम्रो पुँजीगत खर्च सोचेअनुरुप हुन सकेको छैन। ढिलागरी खर्च भइरहेको छ।’

प्रकाशित मिति: शुक्रबार, वैशाख २१, २०८१ १५:४७

प्रतिक्रिया दिनुहोस्