‘स्टार्टअप’ सहयोग गर्ने नीतिमा सरकार, ‘मेकिङ नेपाल’ र मेड इन नेपाल’ लाई प्रवद्र्धन गरिने

अर्थतन्त्र

गृहपृष्ठ
अर्थतन्त्र

‘स्टार्टअप’ सहयोग गर्ने नीतिमा सरकार, ‘मेकिङ नेपाल’ र मेड इन नेपाल’ लाई प्रवद्र्धन गरिने

क्यापिटल नेपालमंगलबार, जेठ १, २०८१

काठमाडौं। सरकारले उद्यमशीलता र नवप्रर्वद्धनलाई प्रोत्साहनको नीति लिएको छ। मंगलबार प्रस्तुत आगामी आर्थिक वर्षको नीति तथा कार्यक्रममार्फत उक्त घोषणा गरिएको हो।

‘उद्यमशीलता र नवप्रर्वद्धनलाई प्रोत्साहन गर्न सहयोग पुर्याउने कार्यक्रम कार्यान्यवनमा ल्याइनेछ,’ नीति तथा कार्यक्रममा भनिएको छ, ‘सरकारी क्षेत्रका सीपमुलक कार्यक्रमलाई उद्यमशीलता विकास र स्वरोजगार विकास हुने गरी कार्यान्यवन गरिनेछ। ‘मेकिङ नेपाल’ र मेड इन नेपाल’ लाई प्रवद्र्धन गरिनेछ।’

सरकारले नवप्रवर्तन तथा राष्ट्रिय स्टार्टअप अभियान सञ्चालन गरी १ हजार युवालाई स्टार्टअप कर्जा दिने घोषणा गरेको छ। प्राज्ञिक संस्थासँग सहकार्य गर्ने र सातै प्रदेशमा विजनेश इक्युभेसन सञ्चालन गरेर स्टार्टअपलाई प्रवद्र्धन गर्ने आगामी आर्थिक वर्षको नीति तथा कार्यक्रममा उल्लेख छ।