५० करोड रुपैयाँसम्मको प्रत्यक्ष वैदेशिक लगानीमा आवेदन दिन ‘स्वचालित रुट’ सुरु भएको छ : प्रधानमन्त्री

अर्थतन्त्र

गृहपृष्ठ
अर्थतन्त्र

५० करोड रुपैयाँसम्मको प्रत्यक्ष वैदेशिक लगानीमा आवेदन दिन ‘स्वचालित रुट’ सुरु भएको छ : प्रधानमन्त्री

क्यापिटल नेपाल बुधबार, जेठ २, २०८१

काठमाडौं। प्रधानमन्त्री पुष्पकमल दाहालले सरकारले ५० करोड रुपैयाँसम्मका प्रत्यक्ष वैदेशिक लगानी आवेदनका लागि ‘स्वचालित रुट’ प्रणाली सुरु भइसकेको बताएका छन्।

बुधबार काठमाडौंमा नेपाल–युरोपियन युनियन सम्बन्धको ५०औँ वार्षिकोत्सवको उपलक्ष्यमा आयोजित समारोहलाई सम्बोधन गर्दै उनले लगानीका लागि आवेदन दिन स्वचालित रुट सुरु भइसकेको बताएका हुन्।

यसको सुरुवातले नेपालमा व्यवस्थापकीय दक्षता र पुँजी भित्रिने विश्वास रहेको उनले बताए। दिगो विकासको मान्यतामा सरकारले वातावरणीय रूपमा दिगो र आर्थिक रूपमा व्यवहारिक हरित अर्थव्यवस्था पहलहरूलाई प्राथमिकता दिएको उनको भनाइ थियो। नवीकरणीय ऊर्जा परियोजना, दिगो कृषि अभ्यास र नयाँ प्रविधिहरू अन्वेषण गरिरहेको पनि प्रधानमन्त्री दाहालले बताए।

प्रकाशित मिति: बुधबार, जेठ २, २०८१ ११:४९

प्रतिक्रिया दिनुहोस्