सरकारले सहकारी पीडितलाई द्रूत गतिमा न्याय दिनेछ : गृहमन्त्री लामिछाने

अर्थतन्त्र

गृहपृष्ठ
अर्थतन्त्र

सरकारले सहकारी पीडितलाई द्रूत गतिमा न्याय दिनेछ : गृहमन्त्री लामिछाने

क्यापिटल नेपालसोमबार, जेठ ७, २०८१

काठमाडौं । उपप्रधान एवं गृहमन्त्री रवि लामिछानेले सरकारले सहकारी पीडितलाई द्रूत गतिमा न्याय दिने बताएका छन्। संसद भवनबाट बाहिरिँदै गर्दा पत्रकारहरूसँग संक्षिप्त प्रतिक्रया दिँदै लामिछानेले विषय केन्द्रित भएर अब समस्या समाधानमा लाग्ने प्रतिवद्धता जनाए।

‘सरकारले चाँडै नै सहकारी पीडितहरूको न्यायका लागि द्रूतगतिमा काम गर्छ। प्रमुख प्रतिपक्षीले व्यक्ति केन्द्रित भनेर नाराबाजी गरिरहेको छ, हामी व्यक्ति केन्द्रित नभइ विषय केन्द्रित भएर संवेदनशील रूपमा समस्याको समाधानतिर लाग्छौं,' उनले भने।

संसदीय छानबिन समिति बनाउने सहमति भइसके पछि पनि कांग्रेसले संसदीय छानबिन समितिको माग गरेर नाराबाजी गरेको उनको टिप्पणी छ।

‘प्रमुख प्रतिपक्षले संसदीय समिति गठन गर भनेर नारा लगाएको सुनियो। हामी बसेर कार्यदल बनाइसकेको होइन? अझ त्यसमाथि गएर मैले अन्तराष्ट्रिय स्तरको बनाउने भए पनि हामीलाई सहभागी नगराइ बनाउनुस् भनेको होइन? बनाउनुभयो त? बनाउनु भएन,’ उनले भने।

उनले आइतबारको संसद बैठकमा आफूले कसैलाई नधम्क्याएको भन्दै आफ्नाजस्तै आएका अरू समाचारमा संसदीय समिति बनाएर जाने हो त भनेर दृष्टान्त पेश गरेको दाबी गरे।

प्रकाशित मिति: सोमबार, जेठ ७, २०८१ १६:५६

प्रतिक्रिया दिनुहोस्