हवाई टिकट र पार्टपुर्जामा लगाइँदै आएको भ्याट हट्ने!

अर्थतन्त्र

गृहपृष्ठ
अर्थतन्त्र

हवाई टिकट र पार्टपुर्जामा लगाइँदै आएको भ्याट हट्ने!

क्यापिटल नेपालमंगलबार, जेठ १५, २०८१

काठमाडौं। सरकारले हवाई टिकट र जहाजमा लगाउदै आएको मूल्य अभिवृद्धि कर(भ्याट) हटाउने भएको छ। चालू आर्थिक वर्षको बजेटमा तत्कालीन अर्थमन्त्री डा. प्रकाशरण महतले पहिलो पटक हवाई टिकटमा भ्याट लगाएका थिए।

अर्थमन्त्री वर्षमान पुनले आज सार्वजनिक गर्न लागेको आर्थिक वर्ष २०८१/८२ को बजेटमा यसअघि हवाई टिकट र पार्टपुर्जामा लगाइँदै आएको भ्याट हटाउने स्रोतले जानकारी दिएको हो।

पहिलो पटक हवाई टिकट र जहाज खरिदमा भ्याट लगाएपछि चौतर्फी विरोध गरेका थिए। आर्थिक मन्दीले बजार सुस्ताइरहेका बेला सरकारले बजेटमार्फत भ्याट लगाएपछि हवाई भाडा महँगो हुनुको साथै हवाईजहाज र त्यसमा लाग्ने पार्टपुर्जा महँगो भएको गुनासो व्यवसायीले गर्दै आएका छन्।

नेपाल नागरिक उड्डयन प्राधिकरणले औपचारिक रुपमा प्रधानमन्त्री र अर्थमन्त्रीलाई भ्याट हटाउन प्रस्ताव गरेको जनाएको छ। ‘भ्याट हटाउन प्रधानमन्त्री र अर्थमन्त्री दुवै सकारात्मक हुनुहुन्छ,’ प्राधिकरणका एक उच्च अधिकारीले भने, ‘राजस्वमा दबाब परेर अन्तिम समयमा परिवर्तन नभए भ्याट खारेज हुनेछ।’

प्रकाशित मिति: मंगलबार, जेठ १५, २०८१ ११:४१

प्रतिक्रिया दिनुहोस्