अब आईटी पढ्नेले शैक्षिक कर्जा पाउने, १,००० युवालाई फेलोशिप

प्रविधि

गृहपृष्ठ
प्रविधि

अब आईटी पढ्नेले शैक्षिक कर्जा पाउने, १,००० युवालाई फेलोशिप

क्यापिटल नेपाल मंगलबार, जेठ १५, २०८१

काठमाडौं। सरकारले इन्जिनियरिङ र सूचना प्रविधि (आईटी) विषय पढ्नेलाई शैक्षिक कर्जा दिने भएको छ। आगामी आर्थिक वर्ष २०८१/८२ को बजेट प्रस्तुत गर्दै अर्थमन्त्री वर्षमान पुनले यस्तो घोषणा गरेका हुन्।

अर्थमन्त्री पुनले इन्जिनियरिङ, सूचना प्रविधि लगायत उच्च शिक्षा अध्ययनका लागि सहुलियत रूपमा कर्जा प्रदान गरिने उल्लेख गरे। ‘चिकित्सा शास्त्र, इन्जिनियरिङ, सूचना प्रविधि लगायतका उच्च शिक्षा अध्ययनका लागि सक्रिय कोषमार्फत विद्यार्थीहरूलाई सहुलियत रूपमा शैक्षिक कर्जा मिलाइने व्यवस्था मिलाइनेछ,’ अर्थमन्त्री पुनले भने।

सरकारले सूचना प्रविधि क्षेत्रका १,००० युवालाई फेलोशिप प्रदान गर्ने पनि घोषणा गरे। फेलोशिप प्रदान गर्न निजी क्षेत्रलाई प्रोत्साहन गरिने र युवामा उद्यमशीलता प्रवर्द्धन गर्न कर्जाको सहज र सरल पहुँच पुर्‍याउने घोषणा समेत सरकारले गरेको छ।

प्रकाशित मिति: मंगलबार, जेठ १५, २०८१ १६:२८

प्रतिक्रिया दिनुहोस्