नेप्से र कारोबार रकम दुवै घट्यो

सेयर

गृहपृष्ठ
सेयर

नेप्से र कारोबार रकम दुवै घट्यो

क्यापिटल नेपालमंगलबार, असार ४, २०८१

काठमाडौं । सोमबार सार्वजनिक विदाका कारण बन्द रहेको नेपाल स्टक एक्सचेन्ज (नेप्से) मंगलबार परिसूचक र कारोबार रकम दुवैमा गिरावट आएको छ।

कारोबारको तेस्रो दिन मंगलबार नेप्सेमा २४७ कम्पनीको कारोबार भएकोमा ४० कम्पनीको सेयर मूल्य बढेको छ भने १९८ कम्पनीको घटेको छ। यस्तै ९ कम्पनीको सेयर मूल्य यथावत् छ।

आज नेप्सेमा समाज लघुवित्त वित्तीय संस्थाको शेयर कारोबार सर्वाधिक भई सर्किट ब्रेक लागेको छ। मनकामना स्मार्ट लघुवित्त र कुथेली बुखारी स्माल हाइड्रोपावरका लगानीकर्ताले सर्वाधिक गुमाएका छन्।

आज नेप्से परिसूच २०७६ अंकमा समेटिएको छ भने कुल कारोबार ४ अर्ब ५ करोड ५७ लाख रुपैयाँ बराबरको भएको छ।

नेप्से परिसूचक साताको अघिल्लो कारोबार दिनको तुलनामा १८.७६ अंकले घटेको हो।

विद्याधर मल्लिक अध्यक्षताको कर प्रणाली सुधार सम्बन्धि उच्च स्तरीय सुझाव समितिले सरकारलाई बुझाएको प्रतिवेदनमा सेयर कारोबारबाट हुने व्यक्तिको आम्दानीमा पनि कर लगाउनुपर्ने सुझाव दिएपछि सेयर बजार प्रभावित बनेको अनुमान गरिएको छ।

प्रकाशित मिति: मंगलबार, असार ४, २०८१ १५:१२

प्रतिक्रिया दिनुहोस्