५० लाख र सुन गाल्ने मेसिनसहित तीन भारतीय एवं दुई नेपाली पक्राउ

समाज

गृहपृष्ठ
समाज

५० लाख र सुन गाल्ने मेसिनसहित तीन भारतीय एवं दुई नेपाली पक्राउ

क्यापिटल नेपाल शुक्रबार, असार २१, २०८१

काठमाडौं। ललितपुर महानगर–१४ स्थित निर्माणाधीन घरमा शंकास्पद कारोबार भइरहेको सूचना पाएपछि ललितपुर प्रहरीले छामा मार्दा ५० लाख नगद र सुन गाल्ने मेसिनसहित तीन भारतीय एवं दुई नेपालीलाई पक्राउ गरेको छ।

प्रहरी वृत्त सातदोबाटोबाट खटिएको टोलीले भारतीय नागरिक युवराजको फ्ल्याटमा छापा मारेर सुन, सुन गाल्ने मेसिन र नगद ५० लाखसहित पाँच जनालाई पक्राउ गरेको हो।

महाराष्ट्रको आडवारी थाना घर भई हाल ललितपुरको ताल्छीखेल बस्दै आएका युवराज विभुते, विक्रम यलवर, अभिषेख विभुते र भक्तपुरको सूर्यविनायक नगरपालिका–१ बिरुवाका सिद्धान्त चौलागाईं तथा ललितपुरकै महालक्ष्मी नगरपालिका–८ का यसवन्त सुनारलाई पक्राउ गरिएको ललितपुर प्रहरीले जनाएको छ।

पक्राउ परेकाबाट १६९ ग्राम ९७० मिलिग्राम सुन, २४७ ग्राम २५० मिलिग्राम चाँदी, ५० लाख ४ हजार ७३० नगद, डिजिटल तराजु, हार्ड डिस्क, सुन पगाल्ने मेसिन, बैंकमा नगद जम्मा गरेको भौचर बरामद भएको ललितपुर प्रहरीले बताएको छ।

प्रकाशित मिति: शुक्रबार, असार २१, २०८१ १३:५३