सिटिजन्स बैंकको वित्तीय सचेतना भिडियो सार्वजनिक

कर्पोरेट बजार

गृहपृष्ठ
कर्पोरेट बजार

सिटिजन्स बैंकको वित्तीय सचेतना भिडियो सार्वजनिक

क्यापिटल नेपाल शनिबार, साउन २६, २०८१

काठमाडौं। सिटिजन्स बैंक इन्टरनेसनलले ‘सचेत सिटिजन नै हो सेफ सिटिजन’ नारासहित वित्तीय सचेतना भिडियो सार्वजनिक गरेको छ।

बैंकका प्रमुख कार्यकारी अधिकृत गणेशराज पोखरेलले काठमाडौंमा आयोजित स्ट्राटेजिक ग्रोथ एन्ड अपरेसनल एक्सिलेन्स कन्फरेन्समा उक्त भिडियो सार्वजनिक गरेका हुन्।

विभिन्न बहानामा ग्राहकसँग पासवर्ड, ओटिपी, खाता विवरण माग्ने तथा ग्राहकलाई चिट्ठा र अन्य बहुमूल्य सामानको प्रलोभनमा पारेर ठगी गर्ने गिरोहको सक्रियता बढिरहेका बेला बैंकले सचेतना भिडियो सार्वजनिक गरेको हो।

सचेतना भिडियोबाट यस्ता गतिविधि न्यूनीकरण भई ग्राहकमा चेतना वृद्धि हुने विश्वास बैंकको छ।

बैंकका सातै प्रदेशका प्रदेश प्रमुख, क्लस्टर हेड, १९७ शाखाका शाखा प्रबन्धक, विभागीय प्रमुख तथा उच्च व्यवस्थापन समूह सम्मिलित भेलामा सीईओ पोखरेलले सिटिजन्सलाई बैंकिङ क्षेत्रको अग्रणी बैंक बनाउन सबै कर्मचारीको प्रयास महत्त्वपूर्ण बताए।

प्रकाशित मिति: शनिबार, साउन २६, २०८१ १२:३६

प्रतिक्रिया दिनुहोस्