कैलालीमा चट्याङ लागेर १० महिला घाइते

समाज

गृहपृष्ठ
समाज

कैलालीमा चट्याङ लागेर १० महिला घाइते

क्यापिटल नेपाल आइतबार, साउन २७, २०८१

धनगढी । कैलालीमा चट्याङ लागेर १० महिला घाइते भएका छन्। आइतबार चट्याङ लागेर १० जना घाइते भएको कैलाली प्रहरीले जनाएको छ।

बर्दगोरिया गाउँपालिका–१ उत्तरमुडाका भीमबहादुर चौधरीको घरमा मृत्युका व्यक्तिको १३ दिने पुण्यतिथिमा स्थानीय घरको अगाडी अमट्टाको रूख मुनि टेन्ट टाँगेर खाना पकाउने क्रममा उक्त रुखमा चट्याङ् पर्दा १० जना घाइते भएका हुन्।

घाइतेहरूको बर्दगोरिया अस्पताल बौनियामा उपचार भइरहेको प्रहरीले जनाएको छ। चट्याङ लागेर बर्दगोरिया गाउँपालिका–१ उत्तरमुडाका ५० वर्षीया फिरियादेवी चौधरी, ३५ वर्षीया रितादेवी चौधरी, ३२ वर्षीया माया चौधरी, ४५ वर्षीया कमलापती चौधरी र ३२ वर्षीया किरन चौधरी घाइते भएकी छन्।

यस्तै घाइते हुनेमा ३८ वर्षीया उर्मिला डगौरा, ४० वर्षीया पार्बती चौधरी, ५० वर्षीया फुलकुमारी चौधरी, ३५ वर्षीया निर्मलादेवी थारु र घोडाघोडी नगरपालिका–३ ढुसर की ३० वर्षीया ममता थारु घाइते भएको जिल्ला प्रहरी कार्यालय कैलालीले जनाएको छ। घाइतेको अवस्था सामान्य रहेको प्रहरीको भनाइ छ।

प्रकाशित मिति: आइतबार, साउन २७, २०८१ १७:५४

प्रतिक्रिया दिनुहोस्