सरकारी उद्योग घाटामा जानु हुँदैन : प्रधानमन्त्री

उद्योग

गृहपृष्ठ
उद्योग

सरकारी उद्योग घाटामा जानु हुँदैन : प्रधानमन्त्री

क्यापिटल नेपालबिहीबार, भदौ ६, २०८१

काठमाडौं । प्रधानमन्त्री केपी शर्मा ओलीले सरकारले चलाएका उद्योग र संस्थान घाटामा जान नहुने बताएका छन्।

सिंहदरबारस्थित प्रधानमन्त्री तथा मन्त्रिपरिषद्को कार्यालयमा उद्योग, वाणिज्य तथा आपूर्ति मन्त्रालय र मातहतका निकायसँग सम्बन्धित विषयमा बिहीबार भएको छलफलमा प्रधानमन्त्रीले उद्योगका लागि सडक बाटो, बिजुलीलगायतका पूर्वाधारका वातावरण तयार भइसकेकाले औद्योगिकीकरणमा लाग्न र घाटा हुने गरी काम नगर्न आग्रह गरे।

साना लगानीमा धेरै कृषिमा आधुनिकीकरण र स्टार्टअप उद्योग खोलेर बेरोजगारीलाई रोजगारी दिन सकिने उनको भनाइ छ। 'उत्पादन बढाएर आयात विस्थापन गर्न सकिन्छ। नचल्ने र घाटामा जाने उद्योग चलाउन बल नगरौं। डुब्ने र प्रतिफल नदिने उद्योग नचलाऔं,’ उनले भने।

मद्यमान र धुमपान सम्बन्धितभन्दा रोजगारी सृजना गर्ने र समाजलाई सभ्य तथा स्वास्थ्य बनाउने उत्पादनमा जोड दिन प्रधानमन्त्रीको आग्रह छ।

उद्योगमन्त्री दामोदर भण्डारी, नेपाल सरकारका मुख्यसचिव लीलादेवी गड्तौला, प्रधानमन्त्री तथा मन्त्रिपरिषद्को कार्यालयका सचिव राजकुमार श्रेष्ठ, उद्योग मन्त्रालयका सचिव कृष्णबहादुर राउतसहितको छलफलमा प्रधानमन्त्री ओलीले खनिज र पेट्रोलियम पदार्थको अन्वेषण र उत्खनन कार्यलाई निरन्तरता दिँदै यसका आधारमा विकास गर्न सकिने उद्योगको योजना ल्याउन आग्रह गरे।

प्रकाशित मिति: बिहीबार, भदौ ६, २०८१ १३:१०

प्रतिक्रिया दिनुहोस्