सेयर लगानीकर्ता अग्रवालले १६ करोड रकम नतिरेको दाबीसहित ब्रोकरको सीआईबीमा उजुरी

अर्थतन्त्र

गृहपृष्ठ
अर्थतन्त्र

सेयर लगानीकर्ता अग्रवालले १६ करोड रकम नतिरेको दाबीसहित ब्रोकरको सीआईबीमा उजुरी

क्यापिटल नेपालसोमबार, असोज ७, २०८१

काठमाडौं । सेयर बजारका लगानीकर्ता दीपेन्द्र अग्रवालले १६ करोड रूपैयाँ नतिरेको भन्दै नेपाल प्रहरीको केन्द्रीय अनुसन्धान ब्यूरो (सीआईबी)मा उजुरी परेको छ। ब्रोकर कम्पनी सिप्ला सेक्युरिटिजले अग्रवालविरुद्ध सीआईबीमा उजुरी दर्ता गराएको हो।

ब्रोकर कम्पनीले नेपाल स्टक एक्सचेन्ज, सिडिएस एण्ड क्लियरिङ, नेपाल धितोपत्र बोर्ड, स्टक ब्रोकर एसोसिएसन, जिल्ला प्रहरी परिसर, काठमाडौं र प्रहरी वृत्त मालिगाउँलाई समेत बोधार्थ गर्दै पत्र पठाएको छ। यस्तो पत्र प्राप्त भएको नेप्से र अन्य ब्रोकर कम्पनीले समेत पुष्टि गरेका छन्।

सिप्लाले पठाएको पत्रअनुसार हिसाब फरफारक गर्न असोज ४ गते ग्लोबल बैंकको शाखामै पुग्दा पनि अग्रवालले शाखा प्रबन्धकसँग आफैं कुरा मिलाएर आउँछु भन्दै चेक लिएर फरार भएको बताइएको छ।