ग्लोबल आईएमई बैंक एनवाईईएफ स्टार्टअप अवार्ड्स ४.० को ओरियन्टेसन, १७० बढी दर्ता

कर्पोरेट बजार

गृहपृष्ठ
कर्पोरेट बजार

ग्लोबल आईएमई बैंक एनवाईईएफ स्टार्टअप अवार्ड्स ४.० को ओरियन्टेसन, १७० बढी दर्ता

क्यापिटल नेपालबिहीबार, मंसिर १३, २०८१

काठमाडौं। नेप्लिज योङ इन्टरप्रेनियर्स फोरम (एनवाईईएफ) काठमाडौं च्याप्टरले ग्लोबल आईएमई बैंक एनवाईईएफ स्टार्टअप अवार्ड्स ४.० का लागि ओरियन्टेसन कार्यक्रम सफलतापूर्वक सम्पन्न गरेको छ।

पाटन कलेज फर प्रोफेशनल स्टडिजमा सम्पन्न भएको उक्त कार्यक्रमले नेपालमा उद्यमशीलताको सम्भावनालाई मजबुत बनाउने आयोजकले बताएका छन्।

यस वर्षको प्रतियोगिताका लागि नेपालभरका १७० भन्दा बढी स्टार्टअप दर्ता भएका छन्। उक्त ओरियन्टेसनले प्रतियोगिताको प्रक्रिया, मेन्टरसिप र वृद्धिका अवसरबारे विस्तृत जानकारी दिएको थियो।

कार्यक्रममा एनवाईईएफ काठमाडौं च्याप्टरका अध्यक्ष अभिमन्यु गोल्छाले स्टार्टअपलाई स्केल गर्न र सफल बनाउन यस्ता प्लेटफर्मको महत्त्वमाथि जोड दिए।

कार्यक्रमका अध्यक्ष सन्दीप शर्माले प्रतियोगिताको संरचनाबारे विस्तृत जानकारी प्रदान गर्दै मेन्टरसिप, नेटवर्किङ र पुरस्कार जित्ने अवसरलाई प्रस्ट पारेका थिए। कार्यक्रम समापन एनवाईईएफ नेसनल गभर्निङ काउन्सिलका कार्यकारी सदस्य विलासा श्रेष्ठले गरेकी थिइन्।

ग्लोबल आईएमई बैंक एनवाईईएफ स्टार्टअप अवार्ड्स ४.० ५ लाख रुपैयाँमाथिको नगद पुरस्कार, विशेषज्ञ परामर्श र लगानीकर्तासँगको सम्पर्क बढाउने प्रगतिशील प्लेटफर्म पनि हो।

प्रकाशित मिति: बिहीबार, मंसिर १३, २०८१ १६:३०

प्रतिक्रिया दिनुहोस्