नागरिक लगानी कोषका सबै शाखाबाट आवास र सरल कर्जा

कर्पोरेट बजार

गृहपृष्ठ
कर्पोरेट बजार

नागरिक लगानी कोषका सबै शाखाबाट आवास र सरल कर्जा

क्यापिटल नेपालसोमबार, मंसिर १७, २०८१

काठमाडौं। नागरिक लगानी कोषका सहभागीले शाखा कार्यालयबाट समेत आवास र सरल कर्जा पाउने भएका छन्। सबै शाखाबाट सहभागीलाई निश्चित रकमसम्मको आवास र सरल कर्जा दिने व्यवस्था गरिएकाे कोषले जनाएकाे छ।

कोषका सहभागीलाई मोफसलबाट समेत यस्तो कर्जा लिन सहज होस् भन्ने उद्देश्यले कर्जा सुविधालाई सहज बनाइएको कोषकाे भनाइ छ।

यसअघि सबै शाखा कार्यालयले आवास र सरल कर्जा स्वीकृतिका लागि कर्जाको कागजपत्र केन्द्रीय कार्यालयमा पठाउनुपर्ने व्यवस्था थियो। नयाँ व्यवस्थापछि निश्चित रकमसम्मको कर्जा अब शाखा कार्यालयबाटै उपलब्ध हुने भएकोले सेवाग्राहीलाई कर्जा कारोबारमा सहजता मिल्ने अपेक्षा कोषकाे छ।

त्यसैगरी कोषले सहभागीलाई बचत रकमको ९० प्रतिशतसम्म ऋण सापटी दिन सकिने व्यवस्था गरेको छ। यसअघि यस्तो सापटीको सीमा सहभागीको नाममा जम्मा रहेको बचत रकमको ८० प्रतिशतसम्म थियो।

प्रकाशित मिति: सोमबार, मंसिर १७, २०८१ १८:००

प्रतिक्रिया दिनुहोस्