महालक्ष्मी विकास बैंकको दरबारमार्ग शाखालाई अपांगतामैत्री बनाइने

कर्पोरेट बजार

गृहपृष्ठ
कर्पोरेट बजार

महालक्ष्मी विकास बैंकको दरबारमार्ग शाखालाई अपांगतामैत्री बनाइने

क्यापिटल नेपाल बुधबार, मंसिर १९, २०८१

काठमाडौं। महालक्ष्मी विकास बैंकले ३३औं अन्तर्राष्ट्रिय अपांग दिवस अवसरमा दरबारमार्ग रहेको केन्द्रीय कार्यालयलाई अपांगतामैत्री बनाउने घोषणा गरेको छ। बैंकले सस्ंथागत सामाजिक उत्तरदायित्वअन्तर्गत विभिन्न कार्यक्रम सम्पन्न गरेको जनाएको छ।

बैंकले अपांगता भएका व्यक्तिको बैंकिङ कारोबारलाई थप सहजीकरण गर्न उपलब्ध स्रोत–साधनको अधिकतम प्रयोग गरी दरबारमार्ग कार्यालयलाई अपांगतामैत्री शाखाको रुपमा विकास गर्ने भएको हो।

अपांगता भएका व्यक्तिलाई सहज सेवा उपलब्ध गराउन दरबारमार्ग शाखामा एक जना कर्मचारीलाई सम्पर्क व्यक्ति तथा फोकल पर्सनको रुपमा खटाइएको बैंकले जनाएको छ।

बैंकले अपांगता संरक्षण नेपालसँगको सहकार्यमा शारीरिक अपांगता भएका तथा दृष्टिविहीनलाई सहयोग गर्ने उद्देश्यअनुरुप केन्द«ीय कार्यालय दरबारमार्गमा सेतो छडीलगायतका सामग्री वितरण गरेको छ।

प्रकाशित मिति: बुधबार, मंसिर १९, २०८१ १२:१७