फेरि उकालो लाग्दै सुन, एकै दिन तोलामा २१०० रुपैयाँले बढ्यो

कर्पोरेट बजार

गृहपृष्ठ
कर्पोरेट बजार

फेरि उकालो लाग्दै सुन, एकै दिन तोलामा २१०० रुपैयाँले बढ्यो

क्यापिटल नेपालमंगलबार, मंसिर २५, २०८१

काठमाडौं। सरकारले भन्सार दर घटाएसँगै क्रमशः ओरालो लागिरहेको सुन मूल्य फेरि बढ्न थालेको छ। अन्तर्राष्ट्रिय बजारमा बढेसँगै नेपालमा पनि सुन मूल्य बढ्न थालेको हो।

नेपाल सुनचाँदी व्यवसायी महासंघका अनुसार आज नेपाली बजारमा सुनचाँदीको मूल्य बढेको छ। सोमबार प्रतितोला १४०० बढेको छापावाल सुन आज प्रतितोला २१०० रुपैयाँले बढेको हो।

आज छापावाल सुन प्रतितोला १ लाख ५२ हजार २०० रुपैयाँमा कारोबार भइरहेको महासंघले जनाएको छ। सोमबार छापावाल सुन प्रतितोला १ लाख ५० हजार १०० मा कारोबार भएको थियो।

आज चाँदीको मूल्य पनि बढेको छ। सोमबार प्रतितोला १ हजार ८६५ मा कारोबार भएको चाँदी मंगलबार प्रतितोला एक हजार ९२५ रुपैयाँ पुगेको छ। आज चाँदीको मूल्य सोमबारको तुलनामा ६० रुपैयाँले बढेको हो।

आज अन्तर्राष्ट्रिय बजारमा सुन प्रतिऔंस २६७० अमेरिकी डलरमा कारोबार भइरहेको छ।

प्रकाशित मिति: मंगलबार, मंसिर २५, २०८१ १२:३०

प्रतिक्रिया दिनुहोस्