एडिबीद्वारा १ खर्ब बढी सहयोग घोषणा, साढे ६ अर्ब अनुदान र बाँकी सहुलियतपूर्ण ऋण

बैंकिङ

गृहपृष्ठ
बैंकिङ

एडिबीद्वारा १ खर्ब बढी सहयोग घोषणा, साढे ६ अर्ब अनुदान र बाँकी सहुलियतपूर्ण ऋण

क्यापिटल नेपाल शुक्रबार, पुस ५, २०८१

तस्बिर, नेपाल फोटो लाइब्रेरी

काठमाडौं। एसियाली विकास बैंक (एडिबी)ले विभिन्न तीन परियोजना कार्यान्वयन गर्न नेपाललाई १ खर्ब ५ अर्ब ६१ करोड सहयोग गर्ने भएको छ। सहायता रकममध्ये ६ अर्ब ५२ करोड अनुदान र बाँकी रकम सहुलियतपूर्ण ऋण रहेको अर्थ मन्त्रालयले जनाएको छ।

दोस्रो चरणको काठमाडौं उपत्यका खानेपानी आपूर्ति सुधार परियोजना, दक्षिण एसिया उपक्षेत्रीय आर्थिक सहयोग (सासेक) विद्युत् प्रसारण तथा वितरण सुदृढीकरण परियोजना तथा समावेशी विकास कार्यक्रम कार्यान्वयन गर्न उक्त ऋण एवं अनुदान उपयोग गरिनेछ।

अर्थ मन्त्रालयमा आज आयोजित कार्यक्रममा ऋण एवं अनुदान सहायतासम्बन्धी सम्झौतापत्रमा अर्थसचिव डा. रामप्रसाद घिमिरे र एडिबीका देशीय निर्देशक आर्नो कोश्वाले हस्ताक्षर गरे।

सचिव घिमिरेले नेपालको समाजिक आर्थिक विकासमा एडिबीबाट प्राप्त सहयोगका निम्ति धन्यवाद दिए।

निर्देशक कोश्वाले नेपालको कृषि, प्राकृतिक स्रोत, ग्रामीण विकास, ऊर्जा, सार्वजनिक क्षेत्र व्यवस्थापन, खानेपानी, एवं सहरी पूर्वाधार निर्माणमा एडिबीले सघाउँदै आएको बताए।

प्रकाशित मिति: शुक्रबार, पुस ५, २०८१ १५:३५

प्रतिक्रिया दिनुहोस्