डिभोर्सपछि एलिनाको सन्देश- मैले पाउने सम्पत्ति तिम्रै प्रगतिका लागि छाडेकी छु

समाज

गृहपृष्ठ
समाज

डिभोर्सपछि एलिनाको सन्देश- मैले पाउने सम्पत्ति तिम्रै प्रगतिका लागि छाडेकी छु

क्यापिटल नेपाल मंगलबार, माघ २९, २०८१

काठमाडौं। गायिका एलिना चौहानले पति विष्णु सापकोटासँग औपचारिक रुपमा सम्बन्धविच्छेद गरेसँगै भावुक सन्देश लेखेकी छन्। मंगलबार उनले सामाजिक सञ्जालमार्फत आफूहरूको सम्बन्धविच्छेद रहरले नभई बाध्यताले भएको बताएकी हुन्।

उनले फेसबुकमा लेखेकी छिन्, ‘आजदेखि स्वतन्त्र भएर कानुनी रुपमै आआफ्नो गन्तव्य तय गर्न बाटो खुलेको छ। पत्नीका रुपमा अधिकारले पाउने सम्पत्ति तिम्रै प्रगति र उन्नतिका लागि छोडेको छु। तिमीलाई बाँकी जीवनको धेरै धेरै शुभकामना विष्णु।’

उनले भावनात्मक मिलन, आपसी विश्वास र समझदारी विवाहको मुख्य प्राण हुने बताउँदै आफूहरूकाे सम्बन्धमा यी कुनै नभएको संकेत गरिन्। 'हाम्रो सम्बन्धमा अल्पायुमै पूर्ण विराम लागेको छ। यो रहरले होइन। जुन बाध्यता तिमी, मलाई र भगवानलाई मात्र थाहा छ,’ उनले थपिन्।

प्रकाशित मिति: मंगलबार, माघ २९, २०८१ १८:१३

प्रतिक्रिया दिनुहोस्